უკან

ეკონომიკა

4 დეკემბერი, 2018 14:05
font-size

არაკანონიერი ხელშეშლის შედეგად ,,ომეგა ჯგუფის“ საწარმო დღესაც გაჩერებულია - ,,ომეგა ჯგუფში“ საგანგებო განცხადება გაკეთდა

“ომეგა ჯგუფის” საწარმო ისევ გააჩერეს და ამ გაჩერების მიზეზად კვლავაც რჩება “ომეგა ჯგუფისათვის” აქციზური მარკების არ მიცემა, - ამის შესახებ ,,ომეგა ჯგუფის“ გენერალურმა მენეჯერმა ლევან აღდგომელაშვილმა ოჯთ-ს გაჩერებულ საწარმოში გამართულ საგანგებო ბრიფინგზე განაცხადა.

როგორც აღდგომელაშვილმა აღნიშნა, უკვე ოთხ თვეზე მეტია ,,ომეგა ჯგუფის“ მიმართ მიზანმიმართული კანონდარღვევა ხორციელდება.

მისი ინფორმაციით, კომპანიამ სრულად დაფარა ოქტომბრის თვის საანგარიშო პერიოდზე გათვლილი გადასახადი და მოითხოვა შესაბამისი ღირებულების აქციზური მარკები. აღდგომელაშვილის თქმით, აღნიშნული შეკვეთა შემოსავლების სამსახურმა შეკვეთის დღესვე, 12 ნოემბერსვე დაადასტურა, თუმცა 30 ნოემბერს ,,ომეგა ჯგუფის“ შეკვეთას, რომელიც იყო დადასტურებული შეეცვალა სტატუსი და გახდა „გადაუხდელი - გაუქმებული.“

,,როგორც მოგეხსენებათ, სამთვიანი იძულებითი გაჩერების შემდეგ ა.წ. 26 ოქტომბერს კომპანია ოჯთ-მ დეკლარირებული გადასახადების დაფარვის მიზნით გადაიხადა 1 მილიონი ლარი. კომპანიამ იმავე დღეს გადაიხადა აქციზური მარკების ნომინალური ღირებულება და მიიღო შესაბამისი რაოდენობის აქციზური მარკებიც.

კომპანიამ 2018 წლის 8 ნოემბერს, ანუ კანონმდებლობით განსაზღვრულ ვადამდე ერთი კვირით ადრე, სრულად დაფარა ოქტომბრის თვის საანგარიშო პერიოდზე კუთვნილი მიმდინარე გადასახადი 550’000 ლარის ოდენობით.

მიმდინარე წლის 12 ნოემბერს კომპანია ,,ოჯთ“-მ შემოსავლების სამსახურის ვებგვერდზე განათავსა შეკვეთა, რომლითაც მოითხოვა ადგილობრივი უფილტრო სიგარეტის აქციზური მარკები. აღნიშნული შეკვეთა შემოსავლების სამსახურმა დაადასტურა იმავე დღეს, 11:29 საათზე.

მომდევნო დღეების განმავლობაში, ინტენსიურად ვუკავშირდებოდით როგორც ფინანსთა მინისტრის მოადგილე მიხეილ დუნდუას, ისე გადამხდელთა სამსახურის დეპარტამენტის და შპს ,,სიქპა სიქურითი სოლუშენს ჯორჯიას“ (რომელიც შემოსავლების სამსახურის კონტრაქტორი კომპანიაა და ევალება აქციზური მარკების გაცემა) წარმომადგენლებს. ვითხოვდით, რომ დროულად მოეცათ ინვოისი, რათა მოგვცემოდა საშუალება, რომ გადაგვეხადა შეკვეთილი აქციზური მარკების ნომინალური ღირებულება, რის შემდეგაც მივიღებდით აქციზურ მარკებს. თუმცა შპს ,,სიქპა სიქურითი სოლუშენს ჯორჯიას“ წარმომადგენელი გვპასუხობდა, რომ ეს საკითხი მათ დამატებით უნდა შეეთანხმებინათ შემოსავლების სამსახურის ხელმძღვანელებთან, ვინაიდან, როგორც ისინი აცხადებდნენ, შეიცვალა პროცედურა და საჭირო გახდა შემოსავლების სამსახურის დამატებითი დადასტურება. შეგახსენებთ, რომ ეს შეკვეთა შემოსავლების სამსახურს ერთხელ უკვე ჰქონდა დადასტურებული 12 ნოემბერს. ამგვარად, აბსოლუტურად გაუგებარია, რომელი ნორმატიული აქტის საფუძველზე იყო საჭირო ერთხელ უკვე დადასტურებული შეკვეთის ხელმეორედ დადასტურება შემოსავლების სამსახურის მიერ.

2018 წლის 27 ნოემბერს, წერილობით მივმართეთ შემოსავლების სამსახურის გადამხდელთა მომსახურების დეპარტამენტს და ვითხოვეთ განემარტათ, თუ რატომ არ გვეძლეოდა მოთხოვნილი აქციზური მარკების ნომინალური ღირებულების გადასახდელი ინვოისი. იმავე შინაარსის წერილი 29 ნოემბერს გავუგზავნეთ შპს ,,სიქპა სიქურითი სოლუშენს ჯორჯია“-ს, და მათგანაც ვითხოვეთ აეხსნათ მიზეზი, რის გამოც არ გვეძლეოდა საშუალება, რომ მიგვეღო შემოსავლების სამსახურის მიერ დადასტურებული შეკვეთით გათვალისწინებული აქციზური მარკები. მომდევნო დღეს, ანუ 30 ნოემბერს, შპს „სიქპა სიქურითი სოლუშენს ჯორჯია“-სგან მივიღეთ ელექტრონული შეტყობინება, რომლის თანახმად, ომეგა ჯგუფის შეკვეთას, რომელიც იყო დადასტურებული შეეცვალა სტატუსი და გახდა „გადაუხდელი - გაუქმებული“.
ჩვენს კომპანიას არ მიუღია აქციზური მარკები იმის გამო, რომ არაერთგზის მოთხოვნის მიუხედავად, შემოსავლების სამსახურმა და შპს ,,სიქპა სიქურითი სოლუშენს ჯორჯიამ“, გაურკვეველი მიზეზით, შპს ,,ოჯთ“-ს განზრახ არ მიაწოდეს ინვოისი შეკვეთილი აქციზური მარკების ნომინალური ღირებულების გადასახდელად. სწორედ ამას მოჰყვა „სიქფა სექურითი სოლუშენს ჯორჯია“-ს მიერ შეკვეთის გაუქმება.

გუშინაც, 3 დეკემბერს, კომპანიამ კვლავ განათავსა ახალი შეკვეთა ადგილობრივი უფილტრო სიგარეტის აქციზურ მარკებზე. ამ ახალი შეკვეთის ამჟამინდელი სტატუსია „შეკვეთა შექმნილია“. ამ ახალი შეკვეთის დადასტურება ან უარყოფა ჯერ არ მომხდარა“, - განაცხადა ლევან აღდგომელაშვილმა.

მისივე თქმით, ეჭვგარეშეა, რომ შემოსავლების სამსახური და მისი კონტრაქტორი „სიქფა სიქურითი სოლუშენს ჯორჯია“ მოქმედებენ შეთანხმებულად და მიზანმიმართულად, რათა ,,ომეგა ჯგუფს“ არ მიეცეს საშუალება კანონით დადგენილი წესით შეიძინოს წარმოებისათვის საჭირო აქციზური მარკები.

,,სწორედ ამგვარი არაკანონიერი ხელშეშლის შედეგია, რომ ომეგა ჯგუფის საწარმო დღესაც გაჩერებულია და ადამიანები, რომლებიც აქ იყვნენ დასაქმებულები, ისევ უმუშევრად არიან დარჩენილები.

შექმნილი სიტუაციიდან გამომდინარე კომპანიამ გუშინ, 3 დეკემბერს, წერილობით კიდევ ერთხელ მიმართა ფინანსთა სამინისტროს და მოითხოვა, რომ დაუყონებლივ იქნას აღმოფხვრილი ომეგა ჯგუფის წინააღმდეგ მიმდინარე უკანონო ქმედებები. წინააღმდეგ შემთხვევაში, ომეგა ჯგუფი იტოვებს უფლებას გამოიყენოს ყველა შესაძლო სამართლებრივი საშუალება, რათა მოითხოვოს კანონის დამრღვევი ყველა პირის მიმართ სამართლებრივი პასუხისმგებლობის დაყენება და ჩვენი კომპანიისათვის მიყენებული ზიანის სრულად ანაზღაურება.

ყველა ზემოაღნიშნული მიმოწერის ასლი გაგზავნილია ბიზნესომბუდსმენ ირაკლი ლექვინაძესთან“, - განაცხადა ლევან აღდგომელაშვილმა.

იაპონურ ბაზარზე ქართული კივის ექსპორტი განხორციელდა

4 მარტი, 2021 , 17:15

სააგენტოს „აწარმოე საქართველოში“ ექსპორტის ხელშეწყობის პროგრამით და იაპონიაში საქართველოს საელჩოს დახმარებით შპს „არომაპროდაქტსმა“ ქართული კივის ექსპორტი იაპონურ ბაზარზე განახორციელა. ამის შესახებ

მარტში ყოველკვირეულად 70, ხოლო ზაფხულში დაახლოებით 200 ფრენა განხორციელდება -ნათია თურნავა

4 მარტი, 2021 , 15:30

„დღევანდელი მდგომარეობით, რეგულარული სამგზავრო ფრენები მარტის განმავლობაში კვირაში 70-მდე ფრენა განხორციელდება, ხოლო დღეს მიღებული განაცხადებით, ზაფხულში ეს მაჩვენებელი დაახლოებით 200 ფრენამდე გაიზრდება. გასული წლი

იანვარში ლარი დოლარის მიმართ 0.3 პროცენტით გაუფასურდა - ეროვნული ბანკი

27 თებერვალი, 2021 , 12:00

ეროვნული ბანკის ინფორმაციით, იანვარში ლარის ოფიციალური გაცვლითი კურსი აშშ დოლარის მიმართ საშუალოდ 3.2864-დან 3.2973-მდე, ანუ 0.3 პროცენტით, ხოლო ევროს მიმართ საშუალოდ 3.9969-დან 4.0186-მდე, ანუ 0.5 პროცენტით გაუფასურდა.

საერთაშორისო მოგზაურობასთან დაკავშირებით იანვარში არსებული შეზღუდვების ფონზე, საქართველოში ვიზიტორების რაოდენობა მცირეა - ეროვნული ბანკი

27 თებერვალი, 2021 , 11:20

2021 წლის იანვარში საერთაშორისო ვიზიტორების რაოდენობა წინა წელთან შედარებით 93.6 პროცენტით შემცირდა. ეროვნული ბანკის ინფორმაციით, ტურისტების რაოდენობამ მთლიანი ვიზიტორების 87.2 პროცენტი შეადგინა და წლიურად 91.9 პროცენტით

27 თებერვალს „ქართული დიასპორის ეკონომიკური ფორუმი“ გაიმართება

26 თებერვალი, 2021 , 15:50

საქართველოს საგარეო საქმეთა სამინისტროს ორგანიზებით, ხვალ, 27 თებერვალს, „ქართული დიასპორის ეკონომიკური ფორუმი“ გაიმართება. როგორც „მედიანიუსს“ უწყებიდან აცნობეს, ღონისძიება თბილისის დროით 15:00-2

იანვარში ეროვნულ ვალუტაში გაცემული სესხების მოცულობა შემცირდა, უცხოურ ვალუტაში კი გაიზარდა

25 თებერვალი, 2021 , 14:14

ეროვნული ბანკის ინფორმაციით, კომერციული ბანკების მიერ გაცემული სესხების მოცულობა (ბანკთაშორისი სესხების გარდა), 2021 წლის იანვარში, წინა თვესთან შედარებით 48.22 მლნ ლარით, ანუ 0.13 პროცენტით შემცირდა და მიმდინარე წლის პი