ეკონომიკა

არამხოლოდ ადმინისტრაციული, ზოგადად, მთავრობის ხარჯები არის შესამცირებელი - ზურაბ ჯაფარიძე

,,გირჩის’’ ლიდერი, ზურაბ ჯაფარიძე ლარის გაუფასურებასთან დაკავშირებით მთავრობის ადმინისტრაციის მიერ გავრცელებულ განცხადებას გამოეხმაურა.

დღევანდელ პრესკონფერენციაზე ჯაფარიძემ სამთავრობო ხარჯების მინიმუმ განახევრების აუცილებლობას გაუსვა ხაზი და აღნიშნა, რომ ამ ნაბიჯის გადადგმაში მთავრობას ხელს არავინ უშლის.

,,ვინ უშლიდა ხელისუფლებას, რომ ეს ნაბიჯი გადაედგა, მაგრამ არ გადაუდგამთ მას ეს ნაბიჯი, ანუ ხარჯები არ შეუმცირებიათ. არამხოლოდ ადმინისტრაციული, ზოგადად მთავრობის ხარჯები არის შესამცირებელი. ეკონომიკის მოცულობასთან მიმართებაში 32 %-ს ვხარჯავთ და გაცილებით ნაკლებს უნდა ვხარჯავდეთ, ამის ნახევარს მაინც, როგორც მინიმუმ თუ უფრო ნაკლებს არა.

ჩვენ ან გვექნება სწრაფი ეკონომიკური ზრდა და შესაბამისად ლარი იქნება მეტნაკლებად სტაბილური, ან გვექნება ისეთი ზრდა, როგორიც ახლა გვაქვს და თუ სწორად მახსოვს, ბოლო მონაცემი წინა თვის იყო 1,5% რაც ნიშნავს, რომ ლარი იქნება არასტაბილური’’, - განაცხადა ზურაბ ჯაფარიძემ.

ნინო ექვთიმიშვილი