კომენტარი

არანაირ დირექტივებს და არანაირ მესიჯებს პროკურატურა მის საქმესთან დაკავშირებით არ იღებდა, არ იღებს და არ მიიღებს - ირაკლი შოთაძე

ჩვენ არავისგან არაფერს არ ვიღებთ, – ასე გამოეხმაურა მთავარი პროკურორი, ირაკლი შოთაძე ტელეკომპანია რუსთავი 2-ის ეთერში გასულ სიუჟეტს, სადაც მმართველი გუნდის საიდუმლო მიმოწერასა და რუსთავი 2-ის საქმეზე წინასწარ დაწერილ ტექსტებზე იყო საუბარი.

ირაკლი შოთაძე აცხადებს, რომ მან მმართველი გუნდის საიდუმლო მიმოწერასა და “რუსთავი 2-ის საქმეზე წინასწარ დაწერილ ტექსტებზე არაფერი იცის.

მისი თქმით, პროკურატურა საქმესთან დაკავშირებით არავისგან მესიჯებს არ იღებს.

„ჩვენ არავისგან არაფერს არ ვიღებთ, ჩვენ თითოეულ სისხლის სამართლის საქმეზე საზოგადოების ინფორმირებას ვახდენთ, შესაბამისი საქმის საჭიროებიდან და გამოძიების ინტერესებიდან გამომდინარე. არანაირ დირექტივებს და არანაირ მესიჯებს პროკურატურა მის საქმესთან დაკავშირებით არ იღებდა, არ იღებს და არ მიიღებს. ჩვენთვის ერთადერთი დირექტივა არსებობს – საქართველოს კონსტიტუცია და კანონები,“ – განაცხადა ირაკლი შოთაძე.

ნინო ექვთიმიშვილი