უკან

დღის კალენდარი

ანონსები

არქივი

საზოგადოება

7 თებერვალი, 2018 12:30
font-size

არაქმედითი დოკუმენტის მიღება რეალურ ცვლილებებს ვერ მოიტანს - ომბუდსმენი

საქართველოს სახალხო დამცველი, გამოეხმაურა „შრომის უსაფრთხოების შესახებ“ კანონპროექტის განხილვის გაჭიანურებას, რომელიც ინიცირებული იყო 2017 წლის 1 ივნისს და პირველი მოსმენითაა მიღებული.

ომბუდსმენის აპარატის ინფორმაციით, ორშაბათს იყო დანიშნული მეორე მოსმენა, თუმცა ის ჩაიშალა მთავრობის მიერ კანონპროექტის ძირითად დებულებებზე შეუჯერებლობის გამო. სახალხო დამცველის ვარაუდით, კანონპროექტის მიღების გაჭიანურება იმითაა განპირობებული, რომ მთავრობასა და პარლამენტს ბოლომდე არ აქვს გააზრებული მისი საჭიროება და მნიშვნელობა. ომბუდსმენი შიშობს, რომ შესაძლოა, დოკუმენტში არსებული ხარვეზები არ გამოსწორდეს, არამედ მოხდეს ტექსტის შინაარსის გაუარესება.

ომბუდსმენი მოუწოდებს მთავრობასა და პარლამენტს, კანონპროექტის განხილვისას არ წავიდნენ კომპრომისზე დასაქმებულთა უფლებების ხარჯზე.

„ცალსახად უნდა აღინიშნოს, რომ შრომის უსაფრთხოება, უპირველეს ყოვლისა, ადამიანის უფლების საკითხია. ყველა დასაქმებულს აქვს უფლება, იმუშაოს უსაფრთხო სამუშაო გარემოში, სადაც მისი ჯანმრთელობა და სიცოცხლე დაცული იქნება. დამსაქმებლებს ამ კუთხით ვალდებულებები დღესაც აქვთ. კანონპროექტის ძირითადი მიზანი მათი შესრულების უზრუნველყოფაა. სახალხო დამცველი მოუწოდებს საქართველოს მთავრობასა და პარლამენტს, შრომის უსაფრთხოება ადამიანის უფლებების ჭრილში განიხილონ და არ წავიდნენ კომპრომისებზე დასაქმებულის სიცოცხლისა და ჯანმრთელობის, ადამიანის უფლებების ხარჯზე. ინიცირებული ვერსიით:

1. კანონის მოქმედება გავრცელდება მხოლოდ მძიმე და მავნეპირობებიან სამუშაოებზე, რომლებიც ასევე შეიცავს მომეტებულ საფრთხეს. ერთდროულად ამ ორი კრიტერიუმის შემოტანა უკიდურესად ავიწროებს კანონის მოქმედების ფარგლებს მაშინ, როდესაც ყველა დასაქმებულს აქვს უფლება უსაფრთხო შრომაზე და ყველა მათგანისთვის უნდა მოხდეს აღნიშნულის გარანტირება. წარმოდგენილი კანონპროექტი შრომის უსაფრთხოების ახალ სტანდარტებს არ ადგენს, არამედ უზრუნველყოფს უკვე მოქმედი სტანდარტების პრაქტიკაში განხორციელებას იძულების მექანიზმის შემოღებით, რისი გათვალისწინებითაც მისი მოქმედების არეალის დავიწროება სრულიად მიუღებელია;

2. სანქციები უკიდურესად დაბალია და ვერ უზრუნველყოფს კანონის მიზნების მიღწევას. კერძოდ, შრომის უსაფრთხოების თითოეული პირობის დარღვევა პირველ ჯერზე იწვევს გაფრთხილებას, ხოლო განმეორების შემთხვევაში - 50 ლარის ოდენობის ჯარიმას, რაც სრულიად არასაკმარისია. გარდა ამისა, შრომის უსაფრთხოებასთან დაკავშირებული ზოგიერთი ვალდებულების დარღვევა საერთოდ არ იწვევს პასუხისმგებლობას;

3. ზედამხედველ ორგანოს წარმოადგენს შრომის, ჯანმრთელობისა და სოციალური დაცვის სამინისტროს შრომის პირობების ინსპექტირებაზე პასუხისმგებელი სამსახური. სამწუხაროდ, კანონი არ ქმნის დამოუკიდებელ, მოქნილ, ძლიერი მანდატის მქონე ინსტიტუციას, რაც სერიოზული გამოწვევაა. პროექტი ასევე არ ითვალისწინებს სახელმწიფოს ბიუჯეტიდან დამატებითი სახსრების გამოყოფას, სამინისტროს შესაბამისი სამსახურის საკადრო რესურსებით გაძლიერებას, რაც უკიდურესად ამცირებს კანონის ეფექტიანი აღსრულების შესაძლებლობას;

4. ზედამხედველ ორგანოს მოსამართლის ბრძანების გარეშე მხოლოდ შერჩევითი კონტროლით და ისიც კალენდარული წლის განმავლობაში ერთხელ შეუძლია მეწარმის შემოწმება, რაც სერიოზულ ბარიერს წარმოადგენს და არ უზრუნველყოფს კანონის ეფექტიან აღსრულებას. მოსამართლე ბრძანებას გასცემს მხოლოდ იმ შემთხვევაში, თუ ზედამხედველი ორგანო მას წარუდგენს შესაბამის ინფორმაციას დასაბუთებული და საფუძვლიანი ეჭვით მეწარმის მიერ კანონმდებლობის მოთხოვნების დარღვევის შესახებ. ბუნებრივია, შემოწმების განხორციელების გარეშე ზედამხედველ ორგანოს უკიდურესად გაუჭირდება ასეთი საფუძვლის შექმნა. მოსამართლე ვალდებულია მეწარმეს წინასწარ გაუგზავნოს შეტყობინება და საქმის მასალები, რის შემდეგაც ის საკუთარ მოსაზრებებს წარადგენს წერილობით. თუ აღნიშნული პროცედურის შედეგად მაინც გამოიცა მოსამართლის ბრძანება, ზედამხედველი ორგანო უფლებამოსილია შეამოწმოს მეწარმე მხოლოდ იმ საკითხთან დაკავშირებით, რომლის შესახებაც არსებობს მოსამართლის ბრძანება. თუ მეწარმე არ დაუშვებს ზედამხედველ ორგანოს შესამოწმებლად, პირველ ჯერზე გათვალისწინებულია გაფრთხილება, მეორე ჯერზე კი ჯარიმა 200 ლარის ოდენობით. ხელშეშლის მომდევნო შემთხვევებზე კანონპროექტში საერთოდ არ არის საუბარი, მოსამართლის ბრძანება კი მოქმედებს მხოლოდ 15 დღე. თუ ზედამხედველობის ორგანომ მაინც მოახერხა მეწარმის შემოწმება და დარღვევის აღმოჩენა, იმის გადასამოწმებლად, აღმოფხვრილია თუ არა დარღვევა, კვლავ სასამართლოსთვის მიმართვა მოუწევს. საკითხის ამგვარად წარმოდგენა კანონპროექტში ოპტიმიზმის საფუძველს ნამდვილად არ იძლევა.

გარდა ზემოაღნიშნული შემთხვევებისა, კანონპროექტს კიდევ სხვა მნიშვნელოვანი ხარვეზებიც აქვს, რის გამოც რთულია შრომის უსაფრთხოების სფეროში ამჟამად არსებული საგანგაშო ვითარების შეცვლის მოლოდინის ქონა. რასაკვირველია, კანონის მიღება არსებული სიტუაციის რადიკალურად შეცვლასა და სამუშაო ადგილებზე დასაქმებულების სიცოცხლისა და ჯანმრთელობის დაცვას უნდა ემსახურებოდეს, და არა არაქმედითი დოკუმენტის მიღებას, რომელიც რეალურ ცვლილებას ვერ მოიტანს“, - წერია განცხადებაში.

კორონავირუსით გარდაცვლილი ქალი 12-15 კილოს იწონიდა

4 აპრილი, 2020 , 17:54

კორონავირუსის პირველი მსხვერპლი, 79 წლის ქალი, რომელიც დღეს დილით გარდაიცვალა, 12-15 კილოს იწონიდა. პირველი საუნივერსიტეტო კლინიკის კლინიკური დირექტორი ამბობს, რომ პაციენტს კორონავირუსთან ერთად სხვა მძიმე დაავადებებიც აღ

არანაირი კომპრომისი ადამიანის სიცოცხლესთან დაკავშირებით არ იქნება და თუ იქნება საჭირო გამკაცრება შემდგომი ღონისძიებების, რა თქმა უნდა, მთავრობა ამ ღონისძიებებს გაამკაცრებს - გიორგი გახარია

4 აპრილი, 2020 , 17:15

ყველას უნდა გვესმოდეს, რომ ჩვენ, პირველ რიგში, პასუხისმგებლები ვართ ჩვენი მშობლების, მოხუცებულების წინაშე. ეს ფაქტი, რომელიც მოხდა, არის უკიდურესად საგანგაშო, ეს არის ის ზარი, რომელიც თითოეულმა ჩვენმა მოქალაქემ უნდა გაით

სამწუხარო ფაქტი მოხდა, რასაც ყველა განვიცდით - ეკატერინე ტიკარაძე

4 აპრილი, 2020 , 16:00

ინფიცირებულის გადარჩენის მცდელობის მიუხედავად, სამწუხარო ფაქტი მოხდა, რასაც ყველა განვიცდით, – განაცხადა ჯანდაცვის მინისტრმა, ეკატერინე ტიკარაძემ საქართველოში კორონავირუსით გარდაცვალების პირველი შემთხვევის შესახებ

ჩვენ ვართ მომატებული რისკის ადამიანები, ამიტომ მე ვფრთხილობ თქვენთან, რადგან მე ვარ მომატებული რისკის პიროვნება - ამირან გამყრელიძე

4 აპრილი, 2020 , 16:00

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე მადლობას უხდის მედპერსონალს, რომლებიც კორონავირუსის წინააღმდეგ ბრძოლაში არიან ჩართულნი. „მადლობა ჩემს კოლეგებს,

სასწრაფო დახმარების 30 თანამშრომელი თვითიზოლაციაშია

4 აპრილი, 2020 , 16:00

სასწრაფო დახმარების 30 თანამშრომელი თვითიზოლაციაშია. ეს მას შემდეგ გახდა აუცილებელი რაც COVID-19-ი სასწრაფო დახმარების ექიმს აღმოაჩნდა, მისი ჯანმრთელობის მდგომარეობა ამ დროისათვის დამაკმაყოფილებელია. ექიმი კორონავირუსით

ჩვენ, ეკლესიასთან ერთად, ყოველთვის ვიპოვით დაბალანსებულ გამოსავალს - გიორგი გახარია

4 აპრილი, 2020 , 15:30

ჩვენ, ეკლესიასთან ერთად, ყოველთვის ვიპოვით იმ დაბალანსებულ გამოსავალს, რომელიც ჩვენი მოქალაქეების სიცოცხლის და ჯანმრთელობის ინტერესში იქნება და ასევე ჩვენი უძველესი ეკლესიის ინტერესსაც გაითვალისწინებს, - ამის შესახებ საქ