უკან

უახლესი ამბები

დღის კალენდარი

ანონსები

არქივი

საზოგადოება

20 ივლისი, 2018 12:45
font-size

არასამთავრობო ორგანიზაციები პარლამენტში ტყიბულის ქვანახშირის საწარმოში მომხდარი შემთხვევების შემსწავლელი კომისიის შექმნას ითხოვენ

ადამიანის უფლებებზე მომუშავე ორგანიზაციები მიმართავენ პარლამენტს დროებითი საგამოძიებო კომისიის შექმნის მოთხოვნით, რომელიც შეისწავლის და შეაფასებს 2006 წლიდან დღემდე, ტყიბულში, შპს „საქნახშირი ჯიაიჯი ჯგუფის“ მფლობელობაში არსებულ შახტებში ადამიანის სიცოცხლის მოსპობისა და ჯანმრთელობის მძიმე დაზიანების გამომწვევ ყველა საწარმოო შემთხვევას და ასევე, მიმდინარე გამოძიების ეფექტიანობის და ობიექტურობის საკითხს.

როგორც არასამთავრობო ორგანიზაცეიბი აცხადებენ, საგამოძიებო კომისიამ უნდა შეისწავლოს არა მხოლოდ საწარმოს სხვადასხვა დონის მენეჯმენტის სამართლებრივი პასუხისმგებლობის, არამედ ამ საქმეების გამოძიების პროცესში, შინაგან საქმეთა სამინისტროსა და პროკურატურის თანამშრომლების მიერ სავარაუდო სამოხელეო თუ სხვა დანაშაულის ჩადენის საკითხი. კონკრეტულად, კერძო კომპანიის შესაძლო დანაშაულებრივი ქმედებების მიმართ მათი მაღალი ლოიალობა, ობიექტური გამოძიების სტანდარტების დაუცველობა და სხვა სავარაუდო დანაშაულებრივი ქმედებები.

,,შინაგან საქმეთა სამინისტროსა და პროკურატურის საქმიანობის არაეფექტიანობა განსაკუთრებულად ცხადია ტყიბულის შახტებში მომხდარ შემთხვევებთან მიმართებით. არც ერთ შემთხვევაზე, ამ დრომდე, გამოძიებას არ შეუსწავლია და დაუდგენია საწარმოს მმართველებისა თუ სხვადასხვა მენეჯერული რგოლის წარმომადგენლების სისხლისსამართლებრივი პასუხისმგებლობის საკითხი.

სოციალურად და ეკონომიკურად ყველაზე დაუცველი ჯგუფების სიცოცხლის, უფლებების და ინტერესების დაცვის სფეროში სისხლის სამართლის პოლიტიკის აშკარა ინდიფერენტულობა და უსამართლობა, სამართალდაცვით პოლიტიკაში სოციალური იერარქიების ღრმა პრობლემაზე მიუთითებს და სოციალურად გარიყული ჯგუფებისთვის სახელმწიფო ინსტიტუტების მიმართ ნდობას არსებითად ასუსტებს. ტყიბულში არსებული სოციალური კატასტროფის მასშტაბის, ადგილობრივების სოციალური სასოწარკვეთისა და უიმედობის გათვალისწინებით, არსებითია პარლამენტმა გაიაზროს საკითხის მწვავე საზოგადოებრივი მნიშვნელობა და მის ხელთ არსებული სამართლებრივი თუ პოლიტიკური ინსტრუმენტები ეფექტიანად გამოყენოს ამ პროცესში.

2017 წლის განმავლობაში, წარმოებაში მომხდარი უბედური შემთხვევების შესახებ დაწყებული გამოძიების 128 შემთხვევიდან, სასამართლოში წარიმართა მხოლოდ 11 საქმე, გამოძიება შეწყდა 36 შემთხვევაში, 81 შემთხვევაში გამოძიება დღემდე მიმდინარეობს. წარმოებაში მომხდარი უბედური შემთხვევის ფაქტებთან დაკავშირებით, 90 საქმის ფარგლებში რეალური სასჯელის სახედ თავისუფლების აღკვეთა განისაზღვრა მხოლოდ 3 შემთხვევაში. საქმეთა 72,2% არსებითი განხილვის გარეშე დასრულდა საპროცესო შეთანხმების დადებით. დაკისრებული ჯარიმის ოდენობა მერყეობს 500-დან 5000 ლარამდე“, - აცხადებენ არასამთავრობო ორგანიზაციები.

მესამე სექტორის წარმომადგებლები კონკრეტულად პარლამენტის თავმჯდომარეს, ირაკლი კობახიძეს, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარეს, სოფო კილაძეს და ჯანმრთელობის დაცვისა და სოციალურ საკითხთა კომიტეტის თავმჯდომარეს, აკაკი ზოიძეს მიმართავენ.

განცხადებას ხელს აწერენ ორგანიზაციები:

ადამიანის უფლებების სწავლებისა და მონიტორინგის ცენტრი (EMC)
საქართველოს ახალგაზრდა იურისტთა ასოციაცია
კონსტიტუციის 42-ე მუხლი,
ღია საზოგადოების ფონდი,
სოლიდარობის ქსელი-მშრომელთა ცენტრი,
ახალგაზრდა სოციალისტები,
თანასწორობის მოძრაობა,
საქართველოს ახალგაზრდა მწვანეები,
კულტურულ ურთიერთობათა ცენტრი - კავკასიური სახლი.

ბედნიერი ვარ იმ სითბოსთვის, რომელიც ხალხმა საქართველოში ჩემს მიმართ გამოხატა - ბრაზილელი რივალდო

23 ივლისი, 2019 , 17:33

ლეგენდარული ფეხბურთელი, ბრაზილელი რივალდო adjarabet.com-ის სახე გახდა. "ძალიან მიხარია რომ საქართველოში მეორედ მომიწია ჩამოსვლა. იმედი მაქვს რომ კიდევ მომიწევს ჩამოსვლა და დარწმუნებული ვარ რომ ბევრი რამ არის სანახავი. ძა

მაქვს შესაძლებლობა ჩემი თავი განვიხილო უზენაესი სასამართლოს თავმჯდომარედ - შალვა თადუმაძე

23 ივლისი, 2019 , 17:19

გენერალური პროკურორი შალვა თადუმაძე , საკუთარ თავს უზენაესი სასამართლოს თავმჯდომარის თანამდებობაზე განიხილავს. "ვთვლი, რომ მაქვს შესაძლებლობა ჩემი თავი განვიხილო უზენაესი სასამართლოს თავმჯდომარედ, თუ ბუნებრივია, საბჭოს დ

გადაჭრილია ის კრიზისი, რის გამოც აღმოვჩნდი გენერალური პროკურორის თანამდებობაზე - შალვა თადუმაძე

23 ივლისი, 2019 , 16:44

არაორდინალურ სიტუაციაში აღმოვჩნდი გენერალური პროკურორის თანამდებობაზე, თუმცა კრიზისი, რაც არსებობდა პროკურატურაში და რის გამოც ეს ცვლილება განხორციელდა, დღეს გადაჭრილია, – ამის შესახებ უზენაესი სასამართლოს მოსამართ

მოსამართლეთა შერჩევის პროცესში კითხვებს აჩენს, რომ 50 კანდიდატს შორის, არაერთი გამოცდილი იურისტი ვერ მოხვდა - დავით ასათიანი

23 ივლისი, 2019 , 16:31

ადვოკატთა ასოციაციის თავმჯდომარის, დავით ასათიანის განცხადებით, უზენაეს სასამართლოს კანდიდატთა 50-კაციან სიაში არაერთი ღირსეული კანდიდატი ვერ მოხვდა და ახლა მთავარი ადრესატი პარლამენტია, რომელმაც უნდა შეარჩიოს მაღალი კვა

პროკურატურაში მივედი იმ დროს, როდესაც საქართველოს პროკურატურას ძალიან სერიოზული პრობლემა ჰქონდა - შალვა თადუმაძე

23 ივლისი, 2019 , 11:16

18 წელზე მეტია, პროფესიაში ვარ და შემიძლია, თამამად ვთქვა, რომ ვიყავი წარმატებული ადვოკატი, საჯარო სამსახურში სერიოზულ თანამდებობაზე მნიშვნელოვანი გამოცდილება მივიღე და ვარ წარმატებული ბრალმდებელი, – ამის შესახებ უ

დიდი გამოცდილება მაქვს ხელისუფლების შტოებს შორის ურთიერთობის - შალვა თადუმაძე

23 ივლისი, 2019 , 11:11

18 წელზე მეტია, პროფესიაში ვარ და შემიძლია, თამამად ვთქვა, რომ ვიყავი წარმატებული ადვოკატი, საჯარო სამსახურში სერიოზულ თანამდებობაზე მნიშვნელოვანი გამოცდილება მივიღე და ვარ წარმატებული ბრალმდებელი, – ამის შესახებ უ

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს