უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
პოლიტიკა
არასწორი იქნება, რომ წევრი წავიდეს გუნდიდან, ეს უნდა იყოს მსჯელობის საგანი პოლიტსაბჭოში - გედევან ფოფხაძე დავით ჭიჭინაძეზე
„ქართული ოცნების“ წევრის, გედევან ფოფხაძის შეფასებით, არასწორია გუნდიდან წევრის გაშვება განხილვის გარეშე.
დეპუტატის თქმით, გადაწყვეტილებები არ უნდა იყოს მიღებული პიროვნული წყენის ფონზე.
„მძაფრი შეფასებები, მათ შორის ჩემი მხრიდან არასწორი იქნება. საჭიროა, ლოგიკური, სამართლიანი გადაწყვეტილების მიღება გუნდის ინტერესებიდან გამომდინარე და გუნდში უნდა იყოს ამაზე კონსულტაციები. მაქსიმალურად ეფექტიანი ფორმატის შექმნაა მნიშვნელოვანი, რომ არანაირი წინააღმდეგობრივი პოზიცია, რომელიც შიგნით შეიძლება არსებობდეს, არ გახდეს საჯარო განსჯის საგანი და ამოიწუროს გუნდში. ამის რესურსი გუნდს გააჩნია და არასწორი იქნება პრეცენდენტის დაშვება, რომ წევრი წავიდეს გუნდიდან, ეს უნდა იყოს მსჯელობის საგანი პოლიტსაბჭოში. მაქსიმალურად შევეცდები, ვისაუბროთ ამ საკითხებზე და გამოვნახოთ საერთო ენა. არავითარ შემთხვევაში, პიროვნული წყენის ფონზე არ უნდა იყოს არანაირი გადაწყვეტილება მიღებული. მგონია, რომ „ქართული ოცნების“ ერთიანობა და გამოწვევები, რაც არის გუნდის წინაშე, უფრო მნიშვნელოვანია, ვიდრე პირადი წყენა“, - თქვა ფოფხაძემ.
მისივე თქმით, დავით ჭიჭინაძის გუნდში დაბრუნება ფორმალურად შესაძლებელია.
„ფორმალურად, პოლიტსაბჭოს შეუძლია, გააუქმოს გადაწყვეტილება, რომელიც მიიღო, მგონი, ყველაზე ცოტა, მსჯელობის საგანი უნდა იყოს, რადგან მიღებული გადაწყვეტილების ფორმა, მაინც არ იყო სასურველი. ბიძინა ივანიშვილი არის პარტიის თავმჯდომარე და თუ პოლიტსაბჭოზე განხილვა იქნება, მას ექნება შესაძლებლობა თავისი პოზიცია გამოხატოს“, - განაცხადა ფოფხაძემ.