პოლიტიკა

არჩევნების მეორე ტურის სამუშაო დღეს დანიშვნა ალბათ გაურთულებს ჩვენს დიასპორას არჩევნებში მონაწილეობის მიღებას - სალომე ზურაბიშვილი

„ქართული ოცნების“ მიერ მხარდაჭერილი საპრეზიდენტო კანდიდატის, სალომე ზურაბიშვილის ვარაუდით, თუკი არჩევნების მეორე ტური სამუშაო დღეს დაინიშნება, ეს ქართველ ემიგრანტებს პრობლემას შეუქმნის.

„ჩემზე არ არის დამოკიდებული, ეს არის ცესკო-ზე დამოკიდებული. მე გამოვთქვამ ერთადერთ წუხილს, რომ ეს ალბათ გაურთულებს ჩვენს დიასპორას არჩევნებში მონაწილეობის მიღებას. მე პირადად, ძალიან ბევრი ვიმუშავე ამ დღეებში, რომ დავუკავშირდე დიასპორებს და გავაგებინო.

რამდენი ხანია მე ამ ორმაგ მოქალაქეობაზე ვმუშაობ და ვთვლი, რომ დიასპორა უნდა იყოს უფრო აქტიური. ამიტომ, ვწუხვარ, თუ ეს ასე იყო და გაუძნელდათ მათ არჩევნებში მონაწილეობა",- განაცხადა ზურაბიშვილმა.