უკან

საზოგადოება

13 იანვარი, 2018 13:50
font-size

არჩილ კაიკაციშვილი GBA-ის არასამთავრობო ორგანიზაციებთან ურთიერთობის კომიტეტის თავმჯდომარედ აირჩიეს

ორგანიზაცია „ახალგაზრდა ადვოკატების“ ხელმძღვანელი, არჩილ კაიკაციშვილი, საქართველოს ადვოკატთა ასოციაციის სტრუტურული რგოლის - არასამთავრობო ორგანიზაციებთან ურთიერთობის კომიტეტის თავმჯდომარედ აირჩიეს. გადაწყვეტილება საქართველოს ადვოკატთა ასოციაციის აღმასრულებელმა საბჭომ 2018 წლის 12 იანვრის სხდომაზე ერთხმად მიიღო, სადაც ასოციაციის ახლადშექმნილი სხვა 18 კომიტეტის ხელმძღვანელებიც და სამუშაო დებულებები დამტკიცდა.

GBA-ის არასამთავრობო ორგანიზაციებთან ურთიერთობის კომიტეტის მიზანია ადვოკატთა პროფესიული გამოცდილების, შესაძლებლობებისა და ინსტიტუციური დიალოგის უზრუნველყოფა არასამეწარმეო (არაკომერციულ) იურიდიულ პირებთან საქართველოში და მის ფარგლებს გარეთ, სამოქალაქო უფლებებისა და ინიციატივების ერთობლივი გაძლიერება, სამოქალაქო ორგანიზაციების საქმიანობის მხარდაჭერა, ადამიანის უფლებების დაცვა, დემოკრატიისა და კარგი მმართველობის განმტკიცება. ამ ამოცანების განსახორციელებლად, კომიტეტი თანამშრომლობს არასამთავრობო ორგანიზაციებთან, ქმნის პროფესიულ ბაზას და უზრუნველყოფს მათ მოწვევას და ჩართულობას ინიცირებულ საკითხებზე, შეისწავლის არასამთავრობო ორგანიზაციის წარმომადგენელთა მომართვებს პროფესიული საქმიანობის განხორციელების ხელშეშლის საკითხებზე, პროფესიული საქმიანობისთვის მნიშვნელოვანი წინადადებების განხილვის ან/და ადამიანის უფლებების საკითხზე და ახდენს შესაბამის რეაგირებას მისი კომპეტენციისა და უფლებამოსილების ფარგლებში, ამზადებს შესაბამის დასკვნებს, კვლევებს, ანგარიშებს, პროექტებს, წინადადებებს, რეკომენდაციებს, როგორც პროფესიულ საქმიანობასთან დაკავშირებულ საკითხებზე, აგრეთვე არასამთავრობო ორგანიზაციების ინსტიტუციურ განვითარებასა და სამოქალაქო სექტორის დაცვის საკითხებზე, არასამთავრობო ორგანიზაციებთან ერთად, აწყობს ფორუმებს, სამუშაო შეხვედრებს და კონფერენციებს. თანამშრომლობს ეროვნული, რეგიონალური და საერთაშორისო გამოცდილების მქონე არასამთავრობო ორგანიზაციებთან და უზრუნველყოფს მათი გამოცდილების გაზიარებას და საუკეთესო პრაქტიკის დანერგვას, ამზადებს საკანონმდებლო წინადადებებს, როგორც არასამთავრობო ორგანიზაციების მონაწილეობით, ასევე საქართველოს ადვოკატთა ასოციაციის სახელით წარსადგენად, საქართველოს ადვოკატთა ასოციაციის აღმასრულებელი საბჭოსთვის შეიმუშავებს საჯარო განცხადებების პროექტებს კომიტეტის საქმიანობის სფეროსთან დაკავშირებულ საკითხებზე. საერთო მიზნებისა და ამოცანების უზრუნველყოფის მიზნით, თანამშრომლობს აღმასრულებელ, საკანონმდებლო და სასამართლო ხელისუფლების ორგანოებთან, საერთაშორისო ორგანიზაციებთან, პროფესიულ ჯგუფებთან და მედიასთან.

საქართველოს ადვოკატთა ასოციაციის აღმასრულებელი საბჭოს გადაწყვეტილებით, Gba-ის არასამთავრობო ორგანიზაციებთან ურთიერთობის კომიტეტის თანათავმჯდომარედ, ასევე ერთხმად არჩეულ იქნა ადვოკატი მარიამ საბიაშვილი. კომიტეტის დებულების თანახმად, კომიტეტს ჰყავს თავმჯდომარე და თანათავმჯდომარე, რომელსაც ნიშნავს და ათავისუფლებს აღმასრულებელი საბჭო. ისინი აირჩევიან კომიტეტის უფლებამოსილების ვადით. კომიტეტის დანარჩენ წევრებს ამტკიცებს საქართველოს ადვოკატთა ასოციაციის აღმასრულებელი საბჭო კომიტეტის თავმჯდომარის წარდინებით. კომიტეტი შედგება არანაკლებ 7 და არაუმეტეს 15 ადვოკატი წევრისაგან. ამასთან, კომიტეტის თავმჯდომარეს უფლება აქვს კომისიაში მოიწვიოს სხვადასხვა დარგის ექსპერტები და იურიდიული პროფესიის წარმომადგენლები, როგორც სასამართლო სისტემიდან, ასევე სხვა სახელმწიფო ინსტიტუტებიდან.

არჩილ კაიკაციშვილმა საქართველოს ადვოკატთა ასოციაციის აღმასრულებელ საბჭოს მადლობა გამოცხადებული ნდობისთვის და გამოთქვა იმედი, რომ კომიტეტი თავის მოვალეობებს ნაყოფიერად შეასრულებს. კომიტეტის წევრების დაკომპლექტებაც და შემდგომი შერჩევაც, რეგისტრირებული განაცხადების შემდეგ, კანდიდატთა გამოცდილების საფუძველზე მოხდება.

არჩილ კაიკაციშვილს გააჩნია სამოქალაქო სექტორში საქმიანობის 10-წლიანი გამოცდილება. 2010 წლიდან არის საქართველოს ადვოკატთა ასოციაციის წევრი, ადვოკატი სამოქალაქო სპეციალიზაციით, არის არაერთი ცნობილი და პრეცდენტული სასამართლო დავის წარმომადგენელი, წარმოადგენს სხვადასხვა თემატური კოალიციის, არასამთავრობოთა ალიანისისა და სამართლის საკითხებზე შექმნილი კომისიების წევრს. არის სხვადასხვა პროექტის სამართლის ექსპერტი და კონსულტანტი. ამასთან, კომიტეტის თავმჯდომარეობასთან ერთად, გააგრძელებს „ახალგაზრდა ადვოკატების“ ხელმძღვანელობას.

ირაკლი კობახიძე ჟურნალისტ ლევან ჩხაიძის გარდაცვალების გამო მწუხარებას გამოთქვამს

21 იანვარი, 2019 , 18:00

საქართველოს პარლამენტის თავმჯდომარე ირაკლი კობახიძე ტელეკომპანია „პირველის“ ჟურნალისტის, ლევან ჩხაიძის გარდაცვალების გამო მწუხარებას გამოთქვამს. „ღრმა მწუხარებას გამოვთქვამ ტელეკომპანია „პირველის&

ამაღამ რუსთაველის გამზირი გადაიკეტება - თბილისის მერიის განცხადება

21 იანვარი, 2019 , 17:52

დედაქალაქის მასშტაბით, საახალწლო დეკორაციებისა და ილუმინაციების დემონტაჟი დაიწყო. აღნიშნული სამუშაოებიდან გამომდინარე, რუსთაველის გამზირი, პირველი რესპუბლიკის მოედნიდან - თავისუფლების მოედნამდე, ამაღამ, 00:00 საათიდან 22

ქართველი მეზღვაური ლიბიაში გარდაცვლილი იპოვეს

21 იანვარი, 2019 , 17:50

ქართველი მეზღვაური დავით რაზმაძე ლიბიაში ნავმისადგომთან გარდაცვლილი იპოვეს, - ამის შესახებ ეკონომიკის სამინისტროს საზღვაო ტრანსპორტის სააგენტოს დირექტორმა თამარ იოსელიანმა განაცხადა. მისი მტკიცებით, პირველადი დათვალიერებ

„93-ე აუდიტორიაში“ დათო მაღრაძის წიგნის პრეზენტაცია გაიმართება

21 იანვარი, 2019 , 17:48

22 იანვარს, 17.00 საათზე, ივანე ჯავახიშვილის სახელობის თბილისის სახელმწიფო უნივერსიტეტში პოეტ დათო მაღრაძის წიგნის „უსადაუროდ“ პრეზენტაცია გაიმართება. პრეზენტაციას თსუ რექტორი გიორგი შარვაშიძე, სტუდენტები, პრ

„ჩვენი ქალაქი გახდა კატასტროფების სავსე ქალაქად“

21 იანვარი, 2019 , 16:58

თბილისის საკრებულოს ფრაქცია "ნაციონალური მოძრაობა" საკრებულოში მერიის ზედამხედველობის სამსახურის უფროსს ელოდებოდა. ვალდებულების მიუხედავად, გიორგი ბაგრატიონი სხდომაზე არ მისულა. „გვინდოდა გვესაუბრა გაზის აფეთქების

“დედაქალაქში ერთი წლის განმავლობაში 60 000-ზე მეტ ბავშვს ემსახურებოდნენ უხარისხო საკვებით”

21 იანვარი, 2019 , 16:45

საკრებულოს ფრაქცია „ნაციონალური მოძრაობა“ თბილისის მერს მიმართავს და ბაღების კვებით მომსახურებისთვის შპს „ნილთან“ ხელშეკრულების გაუქმებას მოითხოვს. ამასთან დაკავშირებით საკრებულოს დეპუტატმა ლევან

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`