უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
კომენტარი
არჩილ თალაკვაძე შს მინისტრის პარლამენტში მისვლის აუცილებლობას ვერ ხედავს
საპარლამენტო უმრავლესობის ლიდერის, არჩილ თალაკვაძე ამ ეტაპზე შს მინისტრის პარლამენტში მისვლის აუცილებლობას ვერ ხედავს.
როგორც თალაკვაძემ აღნიშნა, პარლამენტი შს სამინისტროსთან მუდმივად თანამშრომლობს.
„ნუცუბიძეზე მომხდართან დაკავშირებით კომენტარები გააკეთეს პროკურატურამ, პარლამენტის თავმჯდომარემ. დაწყებულია გამოძიება და დაველოდოთ შედეგებს.
რეფორმებთან დაკავშირებით მუდმივად გვაქვს ურთიერთობა შს სამინისტროსთან და მინისტრთან. წლის განმავლობაში არაერთი შეხვედრა შედგა. პარლამენტი მთავრობასთან ურთიერთობს და ეს არის ნორმალური სამუშაო რეჟიმი",- განაცხადა თალაკვაძემ.
ცნობისათვის, ნუცუბიძის ფერდობზე მომხდარ ინციდენტთან დაკავშირებით ოპოზიცია შს მინისტრის, გიორგი მღებრიშვილის პარლამენტში მისვლას ითხოვს.
შეგახსენებთ, თბილისში, ნუცუბიძეზე დაკავების მომენტში ახალგაზრდა მამაკაცი შეუძლოდ გახდა და ადგილზე გარდაიცვალა. მომხდარ ფაქტზე გამოძიება დაიწყო საქართველოს მთავარმა პროკურატურამ. ფაქტთან დაკავშირებით, განცხადება და ვიდეომასალა გაავრცელა შინაგან საქმეთა სამინისტრომ.
ერთ-ერთი თვითმხილველი ამბობს, რომ ახალგაზრდა მამაკაცი სამართალდამცველებს სთხოვდა, გაეთავისუფლებინათ, რადგან ცუდად იყო, თუმცა პოლიციელებმა ეს არ გაითვალისწინეს.
ნინო ექვთიმიშვილი