უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
`არენას` მფლობელის და სპორტის მინისტრის მოადგილის კუთვნილი ტელევიზია ბიუჯეტიდან გორის საბავშვო ბაღებისთვის გამოყოფილი ფულით ფინანსდება - ,,თრიალეთი“
ძმები გოგოლაძეების გავლენებით, შიდა ქართლის ყოფილმა გუბერნატორმა კახა სამხარაძემ, იძულებული გახადა გორის საბავშო ბაღების გაერთიანება, ტელეკომპანია "დია" დაეფინანსებინა. საბავშვო ბაღების გაერთიანების გარდა, ტელეკომპანიასთან ხელშეკრულება გააფორმებინეს, კიდევ შვიდ "აიპ"-ს, - ინფორმაციას ამის შესახებ ტელეკომპანია ,,თრიალეთი“ ავრცელებს.
როგორც ტელეკომპანიის განცხადებაშია აღნიშნული, ამ გარიგებებში მონაწილეობდა არა მარტო გორის, არამედ ქარელის, ხაშურის და კასპის მერია და მათთან დაქვემდებარებული "აიპები".
,,ბავშვების ფულის გარდა, ტელეკომპანია "დიას" ანგარიშებზე წავიდა გორის კეთილმოწყობის, გორის კულტურის ცენტრის, გორის სტრატეგიული განვითარების სააგენტოს, ქარელის კულტურის ცენტრის, ხაშურის კულტურის ცენტრის, ხაშურის სპორტსკოლის, კასპის სპორტკომპლექსის ფინანსები.
აღსანიშნავია, რომ ხელშეკრულებების გაფორმება მოხდა ფარულად, ტენდერის გარეშე. იმის გამო, რომ "აიპები" ვალდებულები იყვნენ 5 ათასი ლარის ხელშეკრულებების გაფორმებისას გამოეცხადებინათ ტენდერები, ტენდერის გვერდის ავლისთვის, მათ ხელშეკრულებები გააფორმეს 4990 ლარზე.
"აიპებმა" ხელშეკრულებები გაუფორმეს იმ ტელევიზიას, რომელიც საერთოდ არ მაუწყებლობს მათი მუნიციპალიტეტის არეალში, რაც ადასტურებს ბიუჯეტის თანხების არამიზნობრივ ხარჯებს.
ამჟამად ცნობილი გახდა, რომ აღნიშნული "აიპები" თანამშრომლებს უშვებენ უფასო შვებულებაში, ხელფასებისთვის სახსრევის არ ქონის გამო, რამაც გამოიწვია თანამშრომლების აგრესია და პროტესტი. ისინი აცხადებენ, რომ მათზე გასაცემი ხელფასების თანხები, ტელეკომპანია "დიას" მოსყიდვაში გახარჯეს.
გარდა რეკლამისა, ხელშეკრულებები გაფორმებულია შეკვეთილი სიუჟეტების და გადაცემების მომზადებისთვის, რის მიხედვითაც, ორივე მხრიდან დარღვეულია საქართველოს კანონმდებლობა.
კახა სამხარაძის სამცხე ჯავახეთში გადასვლის შემდეგ, მისი გავლენები არ შეწყვეტილა შიდა ქართლის მუნიციპალიტეტებზე. ჩვენი ინფორმაციით, რამდენიმე რაიონის მერს და სხვადასხვა სამსახურების ხელმძღვანელებს, იგი აკონტროლებს, მისი ყოფილი მოადგილის და სუსის ყოფილი თანამშრომლის, ლევან ჟღენტის მეშვეობით, რომელიც მან არ წაიყვანა ახალციხეში და გამიზნულად დატოვა ახალი გუბერნატორის მოადგილედ. აღსანიშნავია, რომ სამხარაძეს ზურგს უმაგრებს პარტია ქართული ოცნების ყოფილი რეგიონული კოორდინატორი და ამჟამად პარლამენტის წევრი, მისი ბიძაშვილი, დიტო სამხარაძე.
ტელეკომანია "დია" და მისი მფლობელები, წინა ხელისუფლების დროს "ნაციონალური მოძრაობის" აქტიურ სამსახურში იყვნენ, ხოლო "ქართული ოცნების" ხელისუფლებაში მოსვლიდან გარკვეული დროის შემდეგ, ურთიერთობა განსაკუთრებულად დაალაგეს და გამორჩეული პირობები შეიქმნეს, როგორც თანამდებობებით, ასევე ათეულობით მილიონიანი ტენდერების მიღებით. ყველას ახსოვს, თბილისის გზების მოასფალტებაზე, მათი მიღებული 20 მილიონიანი ტენდერი და შეუსრულებელი პირობები.
სამწუხაროა, რომ სპორტსაზოგადოება "არენას" უზარმაზარი ქონების მფლობელები, მრავალმილიონიან ტენდერებში გამარჯვებულები და ხელისუფლებაში, მაღალ თანამდებობაზე მყოფი პირები, საკუთარი ტელევიზიისთვის საბავშო ბაღების ფულის მიღებას არ ერიდებიან“, - ნათქვამია ,,თრიალეთის“ განცხადებაში.
ტელეკოპანია მოუწოდებს სახელმწიფო აუდიტის სამსახურს და პროკურატურას შეისწავლოს საბიუჯეტო ორგანიზაციების მიერ ტელეკომპანია "დია"-ს მომსახურების შესყიდვის ხელშეკრულებები, რადგან შესაძლოა ადგილი ჰქონდეს ბიუჯეტის არამიზნობრივ ხარჯვას და ასევე, კორუფციულ გარიგებას.