უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
პოლიტიკა
არის მხოლოდ და მხოლოდ წითელი ხაზები, რომელთა დაცვასაც ვითხოვთ კონკრეტული არასამთავრობოებისგან, რაც დაკავშირებულია პოლიტიკურ ნეიტრალიტეტთან - ირაკლი კობახიძე
საქართველოს პარლამენტის თავმჯდომარე ირაკლი კობახიძე ამერიკის ეროვნულ-დემოკრატიული ინსტიტუტის (NDI) წარმომადგენლებს შეხვდა. შეხვედრაზე საუბარი წინასაარჩევნო გარემოს შეეხო.
შეხვედრის შემდეგ კობახიძემ ჟურნალისტებს განუცხადა, რომ ორგანიზაციის წარმომადგენლებს ინფორმაცია მიაწოდა იმ პროვოკაციული ქმედებების შესახებ, რომელსაც, მისი თქმით, ძირითადად ადგილი აქვს ოპოზიციის მხრიდან.
კობახიძის ინფორმაციით, საუბარი ასევე შეეხო წინასაარჩევნო პროცესში მედიისა და არასამთავრობო ორგანიზაციების როლს.
„ჩვენ გავაცანით ჩვენი ხედვა, თუ როგორ წარიმართება საარჩევნო კამპანია. ვფიქრობ, არავის არ მოგვწონს კამპანიის შინაარსი. კამპანია ოპონენტების მხრიდან არის აგებული შეურაცხყოფაზე, ცილისწამებაზე, აგრესიულ განცხადებებზე, პროვოკაციებზე, რაც ძალიან სამწუხარო მოვლენაა. ასევე, გავამახვილეთ ყურადღება მედიის მხრიდან გაშუქებაზე, არასამთავრობო ორგანიზაციების როლზე. მოვისმინეთ შეკითხვები, გავეცით პასუხი შეკითხვებს. გვქონდა საინტერესო დისკუსია“, – განაცხადა კობახიძემ.
პარლამენტის თავმჯდომარის თქმით, მმართველი გუნდი ითხოვს არასამთავრობო სექტორისგან პოლიტიკური ნეიტრალიტეტის დაცვას.
„არის მხოლოდ და მხოლოდ წითელი ხაზები, რომელთა დაცვასაც ვითხოვთ კონკრეტული არასამთავრობო ორგანიზაციებისგან. ეს წითელი ხაზები არის დაკავშირებული პოლიტიკურ ნეიტრალიტეტთან. ყველა არასამთავრობო უნდა იყოს პოლიტიკურად ნეიტრალური. ჩვენ ვნახეთ რამდენიმე ფაქტი, როდესაც კონკრეტული არასამთავრობო ორგანიზაციის ლიდერები მონაწილეობას იღებდნენ კამპანიაში სალომე ზურაბიშვილის წინააღმდეგ. ასევე მნიშვნელოვანია კონკრეტული პრინციპების დაცვა არასამთავრობო ორგანიზაციების მხრიდან. ისინი უნდა იყვნენ ორგანიზაციები, რომელთაც ხელი უნდა შეუწყონ პოლიტიკური და სამოქალაქო კულტურის განვითარებას ჩვენს ქვეყანაში. შემიძლია გავიხსენო ნიკა გვარამიას განცხადება, რომელიც იყო აბსოლუტურად ბოლშევიკური. იქ იყო საუბარი ადამიანების განდევნაზე. ამასთან დაკავშირებით ჩვენ ვითხოვდით არასამთავრობო ორგანიზაციების რეაქციას, თუმცა ეს რეაქცია დღემდე ვერ ვნახეთ, რაც სამწუხაროა“, – განაცხადა კობახიძემ.
„ენ-დი-აის“ წარმომადგენლები დღეს ასევე შეხვდნენ „ნაციონალური მოძრაობის“ საპრეზიდენტო კანდიდატ გრიგოლ ვაშაძეს. მოგვიანებით კი „გირჩისა“ და „შენების მოძრაობის“ წევრებს შეხვდებიან.