კომენტარი

არსებობს კონკრეტული კითხვები თუ როგორ აღმოჩდნენ უცხო ქვეყნის მოქალაქეები საქართველოს ტერიტორიაზე - იან კელი

საქართველოში ამერიკის ელჩის იან კელის განცხადებით, არსებობს კონკრეტული კითხვები, თუ როგორ აღმოჩნდნენმ ბერ გაბრიელ სალსოსი ქუჩაზე ლიკვიდირებული პირები საქართველოს ტერიტორიაზე.

მისივე თქმით, ამერიკის ფედერალური საგამოძიებო ბიუროს წამორამდგენლები უკვე საქართველოში იმყოფებიან.

“ინტერესით ვაკვირდებით ამ პროცესს და ველოდებით შემდგომ ინფორმაციას. არსებობს კონკრეტული კითხვები, თუ როგორ აღმოჩდნენ უცხო ქვეყნის მოქალაქეები საქართველოს ტერიტორიაზე.

რაც შეეხება ჩვენს მონაწილეობას გამოძიების პროცესში, მოგეხსენებათ, ამ ეტაპზე მიმდინარეობს გამოძიება და შესაბამისად, კონკრეტულ დეტალებზე ვერ ვისაუბრებ.

გეტყვით იმას, რომ საქართველოს მთავრობის თხოვნით ამერიკელი ექსპერტები ჩამოვიდნენ და ეხმარებიან გამოძიების პროცესში. ასევე, ჩვენი ინფორმაციით, დღეს გაიმართება პრესკონფერენცია სპეცოპერაციასთან დაკავშირებით და ჩვენ, რა თქმა უნდა, ინტერესით ველოდებით ამ ინფორმაციას“,- განაცხადა ამერიკის შეერთებული შტატების ელჩმა.

სუს-ში ცოტა ხნის წინ გამართულ პრესკონფერენციიდან გახდა ცნობილი, რომ 22 ნოემბერს ანტიტერორისტული ოპერაციის შედეგად ტერორიზმში ეჭვმიტანილთაგან ერთ-ერთი ლიკვიდირებული, ჩეჩენი მებრძოლი აჰმედ ჩატაევია.

უწყების პრესსამსახურის უფროსის ნინო გიორგობიანის განმარტებით, ჩატაევმა თავი აიფეთქა.

მონიკა დავლიანიძე