საზოგადოება

არც ერთი ადამიანი დღეს თავშესაფრის გარეშე არ დარჩება – თბილისის მერის მოადგილე

თბილისის მერის მოადგილის ირაკლი ბენდელიანის განცხადებით, დიდ დიღომში აფეთქების შედეგად დაზარალებული არც ერთი ადამიანი არ დარჩება თავშესაფრის გარეშე.

„არის დიდი მოცულობის ნანგრევები, დრო სჭირდება, რომ საბოლოოდ გამოთავისუფლდეს ეს ფართები. ნებისმიერი დაზარალებული ოჯახი, ვინც ამ ფაქტის შედეგად ზიანი მიიღო, ყველას მაქსიმალურ ყურადღებას და მაქსიმალურ დახმარებას გამოუჩენს დედაქალაქის მერია. არც ერთი ადამიანი დღეს თავშესაფრის გარეშე არ დარჩება, შესაბამისი საცხოვრისებით და სასტუმროებით ყველა უზრუნველყოფილი იქნება და მუნიციპალიტეტის ჩართულობა იქნება მაქსიმალური ამაში,“ – განაცხადა ბენდელიანმა.

შეგახსენებთ, რომ დიდ დიღომში აფეთქების შედეგად სამი ადამიანი დაიღუპა. სავარაუდოდ, აფეთქების მიზეზი გაზის გაჟონვაა. არიან დაშვებულებიც.