კომენტარი

არც `სითი ინსტიტუტს` და არც თბილისის მერიას არ სურს გენგეგმა თაროზე შემოიდოს - მამუკა სალუქვაძე

სხვადასხვა მიზეზის გამო ვეთანხმებით თბილისის მერიას - მერიას უნდა დასაბუთება კიდევ უფრო მკაფიო იყოს იმასთან დაკავშირებით, თუ როგორ განახორციელებს ყველაფერ იმას, რასაც ჩვენ ვთავაზობთ, - განუცხადა ჟურნალისტებს "სითი ინსტიტუტის" ხელმძღვანელმა მამუკა სალუქვაძემ დედაქალაქის მერის გადაწყვეტილების შეფასებისას.

მისი თქმით, არც "სითი ინსტიტუტს" და არც თბილისის მერიას არ სურს გენგეგმა თაროზე შემოიდოს.

"პრინციპული დოკუმენტი, რომელიც შევთავაზეთ, მერიისთვისაც არის მისაღები, მაგრამ ძალიან მნიშვნელოვანია დასაბუთებები, თუ როგორ უნდა მოიქცეს მერია ამა თუ იმ შემთხვევაში, განსაკუთრებით მაშინ, როცა საქმე ეხება კერძო საკუთრებებს. სამწუხაროდ, ქალაქის განვითარების ისტორია ვიცით - ძალიან ბევრი ნაკვეთია აბსოლუტურად შეუსაბამო ტერიტორიაზე გაცემული. სწორედ ამაზე უფრო დეტალურად იქნება საუბარი, რომ შევჯერდეთ მერიასთან და შემდეგ ეს გენგეგმა თაროზე შემოსადები კი არა, რეალურად განხორციელებადი იყოს", - განაცადა მამუკა სალუქვაძემ.