საზოგადოება
არცერთ სკოლასა და უმაღლეს სასწავლებელში კონდიცირების სისტემა არ არის - მაია მიმინოშვილი
გამოცდების ეროვნული ცენტრის ხელმძღვანელი, მაია მიმინოშვილი ეროვნულ გამოცდებზე კონდიცირების პრობლემას გამოეხმაურა.
მიმინოშვილის თქმით, თითქმის ყველა სკოლაში კონდიცირების სისტემა არ არის მოწყობილი.
„ჩვენ ქვეყანაში ვერავინ დამისახელებს შენობას ან შენობებს, სადაც ერთდროულად 10 ათასი აპლიკანტის მიღება შეგვეძლება და ამ 10 ათასი აპლიკანტისთვის შენობა სრულად კონდინცირებული და მოწყობილი იქნება ისე, რომ ჩვენ ამ შენობებში სექტორების გამართვა შევძლოთ. არცერთ სკოლასა და უმაღლეს სასწავლებელში კონდიცირების სისტემა არ არის და რომ იყოს, ჩვენზე ბედნიერი არავინ იქნებოდა“, - განაცხადა მიმინოშვილმა.
გუშინ ამავე პრობლემაზე კომენტარი გააკეთა განათლების მინისტრმა ალექსანდრე ჯეჯელავამ. მინისტრის თქმით, კონდიციონერების გამოუყენებლობას სხვადასხვა მიზეზი განაპირობებს, მათ შორის ტექნიკური პრობლემებიც.
ეროვნული გამოცდები 4 ივლისს დაიწყო. დღეს აბიტურიენტები გამოცდებს აბარებენ ზოგად უნარებში.
ანა მებურიშვილი