პოლიტიკა

აშშ-ის კონგრესი საქართველოს დახმარების სახით 105 320 000 დოლარს გამოუყოფს

აშშ-ის კონგრესში 1.3 ტრილიონი დოლარის ბიუჯეტის დამტკიცებაზე შეთანხმდნენ, რომლის ფარგლებში საქართველო დახმარების სახით 105 320 000 დოლარს მიიღებს. ფულადი დახმარებაა გათვალისწინებული უკრაინისთვისაც - ის 420 700 000 დოლარს მიიღებს. კიევი ცალკე მიიღებს სამხედრო დახმარების სახით 200 000 000 დოლარს.

გარდა ამისა, ბიუჯეტის პროექტი ითვალისწინებს 8 მილიონი დოლარის გამოყოფას ჩრდილოეთ კორეაში ადამიანთა უფლებების დაცვის კუთხით, ხოლო 1.6 მილიარდი დოლარი გათვალისწინებული იქნება კედლის მშენებლობისთვის მექსიკის საზღვარზე.

კანონპროექტი შიდა უსაფრთხოებისთვის 46 მილიარდი დოლარის გამოყოფას ითვალისწინებს.

კონგრესმა ბიუჯეტი პარასკევამდე უნდა მიიღოს, მერე დოკუმენტს ხელი უნდა მოაწეროს აშშ-ის პრეზიდენტმა, დონალდ ტრამპმა.