მსოფლიო
აშშ-ის სამხედრო ძალები სირიას ტოვებენ - მაიკ პომპეო
ამერიკის შეერთებულმა შტატების სამხედრო კონტინგენტმა სირიის დატოვება დაიწყო. ამის შესახებ აშშ-ის სახელმწიფო მდივანმა მაიკ პომპეომ Newsmax TV-სთან ინტერვიუში განაცხადა.
დიპლომატის თქმით, მიუხედავად იმისა, რომ ამერიკელი სამხედროები ახლო აღმოსავლეთის ცხელ წერტილს ტოვებენ, სირიაში ისლამური სახელმწიფოს წინააღმდეგ ბრძოლის გაგრძელება აუცილებელია.
ასევე პომპეომ აღნიშნა, რომ დონალდ ტრამპი ახლო აღმოსავლეთში სტაბილურობის მისაღწევად გარკვეული ზომების მიღებას კვლავ აპირებს.
აშშ-ის პრეზიდენტმა სირიიდან ამერიკული სამხედრო კონტინგენტის გაყვანის შესახებ 2018 წლის 24 დეკემბერს განაცხადა. დონალდ ტრამპმა მაშინ აღნიშნა, რომ ამერიკელი სამხედრო მოსამსახურეების სირიაში ყოფნის მთავარი მიზანი ტერორისტული დაჯგუფება „ისლამური სახელმწიფოს“ წინააღმდეგ ბრძოლა იყო. თეთრი სახლის ლიდერის თქმით, რადიკალები დამარცხებულები არიან.