პოლიტიკა

აშშ საქართველოსა და უკრაინაში შეიარაღების მიწოდებას ზრდის რუსეთისგან თავდასაცავად - უეს მითჩელი

ევროპისა და ევრაზიის საკითხებში ამერიკის სახელმწიფო მდივნის თანაშემწემ, უეს მითჩელმა ამერიკის სენატის საგარეო ურთიერთობათა კომიტეტში გამართულ მოსმენაზე სიტყვით გამოსვლისას განაცხადა, რომ ვაშინგტონი ზრდის საქართველოსა და უკრაინაში შეიარაღების მიწოდებას, რათა ამ ორმა ქვეყანამ შეძლოს რუსეთისგან თავდაცვა.

„ჩვენ ვუწევთ სამხედრო დახმარებას საქართველოსა და უკრაინას, რომლებსაც რუსეთი ცოტა ხნის წინ სამხედრო ძალების გამოყენებით ემუქრებოდა. ვუზრდით სამხედრო საშუალებებს, რომლებიც აუცილებელია თავდაცვისთვის. მოვხსენით წინა ადმინისტრაციის მიერ დაწესებული აკრძალვები მათთვის სამხედრო დახმარებასთან დაკავშირებით და ორივე სახელმწიფოს ვეხმარებით თავდაცვითი შესაძლებლობების გაუმჯობესებაში“, - განაცხადა მითჩელმა.

მან ასევე აღნიშნა, რომ აშშ ცდილობს, რომ უკრაინამ განაგრძოს რეფორმები, ხოლო საქართველოსთან ვაშინგტონი ურთიერთობების გაფართოებას აპირებს.

„ჩვენ, ასევე, ვმუშაობთ საქართველოსთან პოლიტიკური, სამხედრო და ეკონომიკური ურთიერთქმედებების გაფართოებაზე“, - განაცხადა მითჩელმა.