უახლესი ამბები
არქივი
მსოფლიო
აშშ შესთავაზებს პალესტინელებს, აღიარონ თავის დედაქალაქად იერუსალიმის გარეუბანი აბუ-დისი - ისმაილ ჰანია
აშშ-ის პრეზიდენტის ადმინისტრაცია აპირებს, შესთავაზოს პალესტინელებს, აღიარონ თავის დედაქალაქად იერუსალიმის გარეუბანი აბუ-დისი. ამის შესახებ ჰამასის ლიდერმა ისმაილ ჰანიამ განაცხადა ღაზაში გამართულ შეხვედრაზე.
მან დაამატა, რომ აშშ-ის გეგმა ითვალისწინებს აბუ-დისში დედაქალაქის მოწყობასა და ხიდით მის დაკავშირებას მეჩეტ ალ-აქსასთან, რათა უზრუნველყონ პალესტინელების უპრობლემო შემოსვლა იერუსალიმში.
გარდა ამისა, სავარაუდოდ თვითონ მეჩეთი ალ-აქსას მიმდებარე ტერიტორია სამ ნაწილად დაიყოფა.
ჰანიამ აღნიშნა, რომ აშშ-ის შემოთავაზება ითვალისწინებს ღაზის სექტორში პოლიტიკური სუბიექტის ფორმირებას, რომელსაც გარკვეული პრივილეგიები ექნება.
დამატებით დეტალებზე ჰამასის ლიდერს არ უსაუბრია.
6 დეკემბერს აშშ-ის პრეზიდენტმა დონალდ ტრამპმა იერუსალიმი ისრაელის დედაქალაქად გამოაცხადა. ჰამასი მაშინ ნეგატიურად გამოეხმაურა ამ აღიარებას. ჰანიამ ისრაელის წინააღმდეგ ახალი ინტიფადისკენ (შეიარაღებული ამბოხი) მოუწოდა.
21 დეკემბერს გაეროს გენერალურმა ასამბლეიამ მიიღო რეზოლუცია, რომლითაც მოუწოდა დონალდ ტრამპს, უკან წაიღოს თავისი აღიარება.
ანა მებურიშვილი