საზოგადოება

აშშ-ში დაკავებული ავთანდილ ხურციძის ოჯახი საქართველოს ხელისუფლებას დახმარებას სთხოვს

აშშ-ში დაკავებული ქართველი სპორტსმენის ავთანდილ ხურციძის ოჯახი დახმარებას საქართველოს ხელისუფლებას სთხოვს.

დაკავებულის დედის, მაყვალა ხურციძის ინფორმაციით, ოჯახს ფედერაციიდან და შეერთებული შტატებიდან ამ დრომდე არავინ დაკავშირებია.

საზოგადოებრივი მაუწყებლის ცნობით, სპორტსმენმა სახაზინო ადვოკატის მომსახურებაზე უარი განაცხადა.

ამასთან, კიდევ ერთი დაკავებული სპორტსმენის ლევან მაყაშვილის მეუღლის ინფორმაციით, მის ქმარს ორშაბათს გამოუშვებენ.

,,ჩემს მეუღლეს ორშაბათს უშვებენ’’, - მოყავს საზოგადოებრივს მაყაშვილის მეუღლის, თათა შავლაყაძის ციტატა.

ამერიკის შეერთებულ შტატებში დაკავებულ სპორტსმენს ავთანდილ ხურციძეს სასამართლომ ორთვიანი წინასწარი პატიმრობა შეუფარდა.

შეგახსენებთ, რომ ნიუ-იორკში დაკავებულებს შორის 15 ქართველია. მათ შორის არიან ქართველი სპორტსმენებიც.

ქართველი სპორტსმენები საქართველოს სხვა მოქალაქეებთან ერთად ე.წ. ქურდულ სამყაროსთან კავშირის, თაღლითობის მომზადებისა და რეკეტში მონაწილეობის ბრალდებით დააკავეს

ამერიკის შეერთებული შტატების იუსტიციის სამინისტროს მიერ გავრცელებულ ინფორმაციაში საქართველოს მოქალაქეების გვარ-სახელებია ჩამოთვლილი: რაჟდენ შულაია, ზურაბ ჯანაშვილი, აკაკი უბილავა, ჰამლეტ უგლავა, მამუკა ჩაგანავა, მიხეილ თორაძე, ავთანდილ კანადაშვილი, ნაზო გაფრინდაშვილი, ზურაბ ბუზიაშვილი, გიორგი ლომიშვილი, დიეგო გაბისონია, ლევან მაყაშვილი, ავთანდილ ხურციძე, ერეკლე კერესელიძე, ნიკოლოზ ჯიქია.

ნინო ექვთიმიშვილი