უკან
მსოფლიო
21 დეკემბერი, 2017 13:45
აშშ უკრაინას 41.5 მილიონი დოლარის ლეტალურ იარაღს მიჰყიდის
აშშ-ის პრეზიდენტის, დონალდ ტრამპის ადმინისტრაცია უკრაინას ლეტალურ იარაღს მიჰყიდის. ინფორმაციას მთავრობაში არსებულ წყაროებზე დაყრდნობით The Washington Post-ი აქვეყნებს.
მათივე ცნობით, სახელმწიფო დეპარტამენტმა ამ თვეში უკვე დააკმაყოფილა კომერციული ლიცენზია, რომელიც მსხვილკალიბრიანი სნაიპერული შაშხანა Barrett M107A1-ის ექსპორტს უშვებს. შეთანხმება კიევს 41.5 მილიონი დოლარი დაუჯდება.
WP-ის მიხედვით, თავად ტრამპმა დაუჭირა მხარი ლიცენზიის გაცემას.
კონგრესმა სავაჭრო შეთანხმება 2014 წელს მიიღო, თუმცა ობამას ადმინისტრაციას საბოლოო გადაწყვეტილება არ მიუღია. უკრაინა ასევე ითხოვს ვაშინგტონისგან ტანკსაწინააღმდეგო სარაკეტო სისტემა „ჯაველინების“ მიწოდებას.
ანა მებურიშვილი