აშშ–ში ავტომანქანების მფლობელთა საშუალო დანახარჯი მიმდინარე წლისათვის 8 946 დოლარია. ეს კი 2011 წლის ანალოგიურ მაჩვენებელს 1,9 პროცენტით აღემატება. ეს მონაცემები ამერიკის საავტომობილო ასოციაციის ანგარიშში არის შესული.

ავტომობილის ფლობის ხარჯში შედის საწვავის, დაზღვევის, მომსახურების ღირებულება და გადასახადები. ასოციაციის წევრთა მოსაზრებით, წლიური ხარჯის რაოდენობის ზრდა ბენზინის 14,8; ხოლო საბურავების 4,2 პროცენტით გაძვირებამ განაპირობა.

გარდა ამისა, მიმდინარე წელს აშშ–ში მანქანების ყოველწლიური დაზღვევა 33 დოლარით გაძვირდა. ძრავის ზეთის ღირებულების ზრდამ კი სერვისების გაძვირება გამოიწვია.

კომპაქტური სედანების მფლობელთათვის საშუალო წლიური დანახარჯი 6736, ყველგგანმავლის –– 11 360, ხოლო სრული ზომის მანქანებისათვის 11 324 დოლარს შეადგენს.