უკან
საზოგადოება
24 აგვისტო, 2017 18:10
ატენის ხეობაში სამხედროები უფრო დიდხანს დარჩებიან შესაძლო საფრთხეების ასაცილებლად - ლევან იზორია
თავდაცვის მინისტრი ლევან იზორია ატენის ხეობაში ჩავიდა, სადაც სამხედრო ძალები ნახანძრალის მონიტორინგს ახორციელებენ. მინისტრის თქმით, სამხედროები აქ დაგეგმილზე დიდხანს დარჩებიან შესაძლო რისკების თავიდან ასაცილებლად.
„ჩვენ მივიღეთ გადაწყვეტილება, რომ გავახანგრძლივოთ სამხედრო მოსამსახურეების ყოფნა ადგილზე, რათა შესაძლო საფრთხეები მინიმუმამდე იყოს დაყვანილი და თავიდან აცილებული. საგანგებო შტაბის გადაწყვეტილების ფარგლებში, შეიარაღებული ძალების პირადი შემადგენლობა და შესაბამისი ტექნიკა არის სრულ მზადყოფნაში, რომ საქართველოს ნებისმიერ ტერიტორიაზე საჭიროების შემთხვევაში ჩავერთოთ მთელი ძალებით“, - თქვა თავდაცვის მინისტრმა.
შეგახსენებთ, თავიდან იგეგმებოდა, რომ სამხედროები 2 დღის განმავლობაში დარჩებოდნენ ატენის ხეობაში.
ანა მებურიშვილი