პოლიტიკა
ათი პოლიტიკური პარტია პარლამენტის შუალედურ არჩევნებს ბოიკოტს უცხადებს
ათმა ოპოზიციურმა პარტიამ პარლამენტის შუალედურ არჩევნებს ბოიკოტი გამოუცხადა. პარტიები საარჩევნო გარემოს კუთხით არსებულ ისეთ პრობლემებზე საუბრობენ, როგორიცაა საარჩევნო სისტემა, არათანაბარი მედია-გარემო, არათანაბარი ფინანსური რესურსები და ა.შ.
ისინი ყველა რეალურ ოპოზიციურ პარტიას მოუწოდებენ შეუერთდნენ არჩევნების ბოიკოტს, რათა, მათი განცხადებით, ხელისუფლებას არ მისცენ საშუალება, კიდევ ერთხელ შექმნას დემოკრატიული პროცესის იმიტაცია.
მათივე განცხადებით, ისინი საარჩევნო რეფორმისთვის ბრძოლას ინტერპარტიულ ფორმატში გააგრძელებენ.
ბოიკოტი გამოაცხადეს შემდეგმა პოლიტიკურმა პარტიებმა : “ახალი მემარჯვენეები“, “ახალი საქართველო“, “დემოკრატიული მოძრაობა - ერთიანი საქართველო“, “ევროპელი დემოკრატები“, “ეროვნულ-დემოკრატიული პარტია“, “თავისუფალი საქართველო“, “თავისუფლება“, “ლეიბორისტული პარტია“, “სამოქალაქო ალიანსი თავისუფლებისთვის“, “ძალოვან ვეტერანთა და პატრიოტთა პოლიტიკური მოძრაობა“.
“პოლიტიკური პარტიების, სამოქალაქო საზოგადოებისა და საერთაშორისო პარტნიორების არაერთგზის მოწოდების მიუხედავად, საარჩვენო გარემოს კუთხით კვლავაც მთავარ პრობლემად რჩება: საარჩევნო სისტემა; არათანაბარი მედია-გარემო; არათანაბარი ფინანური რესურსები; დაუზუსტებელი ამომრჩეველთა სია; საარჩევნო ადმინისტრაციის დაკომპლექტების უსამართლო წესები; ადმინისტრაციული რესურსის საარჩევნო მიზნებისთვის გამოყენება; ამომრჩეველთა მოსყიდვა და დაშინება.
მიგვაჩნია, რომ “ქართული ოცნების“ უარი საარჩევნო გარემოს რეფორმიერებასა და დემოკრატიული მოდელის შემუშავებაზე, აზრს უკარგავს ქვეყანაში ყოველგვარ არჩევნებს. აღნიშნულის გამო, არასაპარლამენტო ოპოზიციური პარტიები ბოიკოტს ვუცხადებთ 28 აპრილს ვანი-ხონის საარჩევნო ოლქში დაგეგმილ პარლამენტის შუალედურ არჩევნებს.
მოვუწოდებთ ყველა რეალურ ოპოზიციურ პარტიას, შეუერთდეს არჩევნების ბოიკოტს, რათა ხელისუფლებას არ მივცეთ საშუალება, კიდევ ერთხელ შექმნას დემოკრატიული პროცესის იმიტაცია.
ამავდროულად, ინტერპარტიულ ფორმატში განვაგრძობთ ბრძოლას საარჩევნო რეფორმისთვის. ამასთან, მოვუწოდებთ საერთაშორისო საზოგადოებას, გააძლიეროს ზეწოლა საქართველოს ხელისუფლებაზე, რათა ერთხელ და სამუდამოდ ქვეყანაში დამკვიდრდეს სამართლიანი და დემოკრატიული საარჩევნო გარემო“, - ნათქვამია განცხადებაში, რომელსაც პარტიათა ლიდერები აწერენ ხელს.
ცირა გურგენიძე
საკვანძო სიტყვები:
ლევან იზორიამ აშშ-ის ახალ თავდაცვის ატაშესთან შეხვედრა გამართა
17 აგვისტო, 2019 , 11:56
ჩვენ პარლამენტში წარვადგენთ განახლებულ პროგრამას, შესაბამისად, გუნდის დაკომპლექტებაც ამ პროგრამაზე იქნება დამოკიდებული - მამუკა ბახტაძე
16 აგვისტო, 2019 , 17:27
ღარიბაშვილი შსს-ში, გახარია პრემიერად
16 აგვისტო, 2019 , 15:22
უნდა მსოფლიომ გვაღიაროს გენოციდის მსხვერპლად - შალვა ნათელაშვილი
15 აგვისტო, 2019 , 17:45
მამუკა ბახტაძე არც უარყოფს და არც ადასტურებს შემოდგომაზე სამთავრობო ცვლილებებს
15 აგვისტო, 2019 , 16:20
ნებისმიერი ხელისუფლების უზენაესი ამოცანაა, რომ თავის საზოგადოებასა და ქვეყანას ყველაზე დიდი განსაცდელი ააცილოს და დაიცვას მშვიდობიანი მოქალაქეები - მამუკა ბახტაძე
14 აგვისტო, 2019 , 13:30
