უკან

უახლესი ამბები

დღის კალენდარი

ანონსები

არქივი

პოლიტიკა

9 მარტი, 2019 10:23
font-size

აუცილებელია, პარტნიორ ქვეყნებს ვაჩვენოთ, რომ კრიმინალური საქმიანობის ფორმებით ჩვენი მოქალაქეების გადაყვანას და არალეგალებად დარჩენას არ დავუშვებთ - თამარ ჩუგოშვილი

ფინანსური სარგებლის მიზნით უკანონო მიგრაციის პროცესის ორგანიზება დასჯადი ხდება – ახალი კანონპროექტი საქართველოს პარლამენტის თავმჯდომარის პირველი მოადგილის, თამარ ჩუგოშვილის მიერაა ინიცირებული. კანონპროექტი ორშაბათს ბიუროს სხდომაზე დარეგისტრირდება.

„ძალიან ბევრი ჩვენი პარტნიორი ქვეყანა, რომელმაც საქართველოს კარი გაუხსნა და ვიზების გარეშე შესვლის უფლება მისცა, იმ ფაქტით შეწუხებულია, რომ საქართველოდან თავშესაფრის მაძიებლების რაოდენობა საკმაოდ მაღალია და ძალიან ხშირად ევროპის ქვეყნების ჰუმანური მექანიზმების გამოყენება ბოროტად ხდება.

იმისთვის, რომ ჩვენს ქვეყანას უვიზო მიმოსვლის კუთხით არანაირი პრობლემა არ შეექმნას და ის დიდი მონაპოვარი რაც გვაქვს შევინარჩუნოთ, აუცილებელია, პარტნიორ ქვეყნებს ვაჩვენოთ, რომ კრიმინალური საქმიანობის ფორმებით ჩვენი მოქალაქეების გადაყვანას და არალეგალებად დარჩენას არ დავუშვებთ. ამისთვის ჩვენ კანონპროექტის ინიცირება მოვახდინეთ, რომელიც სრულიად პასუხობს დასავლური ქვეყნების მოთხოვნებს. პროექტში საუბარია იმაზე, რომ თუ კი რომელიმე ორგანიზაცია ან ადამიანი ფინანსური სარგებლის მიზნით არაკანონიერ, უკანონო მიგრაციის პროცესებს აორგანიზებს, სისხლის სამართლებრივი პასუხისმგებლობა დაეკისრება“, – განაცხადა თამარ ჩუგოშვილმა.

მისივე თქმით, ზღვარი სწორედ სარგებლის მიღებაზე გადის.

„ეს გამოძიების საკითხია. რომელიმე კომპანია თუ არსებობს, რომელიც ადამიანებს მოუწოდებს, სხვადასხვა ქვეყნებში არალეგალებად და თავშესაფრის მაძიებლებად წავიდნენ, ეს უკანონო საქმიანობაა და ქვეყანაში არსებული კონკრეტული სისხლის სამართლის სტანდარტებით თუ დაუმტკიცდებათ, რომ ასეთ უკანონო საქმიანობას მართლაც ახორციელებენ, მათ მიმართ პასუხისმგებლობა დადგება. ეს აუცილებელი ზომაა და მინდა, ეს ჩვენმა საზოგადოებამ ძალიან კარგად გაიგოს.

ჩვენმა პარტნიორმა ქვეყნებმა ძალიან დიდი ნაბიჯი გადმოდგეს საქართველოს კეთილგანწყობით. მათ კარი გაგვიღეს და საქართველოს მოქალაქის პასპორტს უდიდესი ძალაუფლება მიანიჭეს. ძალიან მნიშვნელოვანია, რომ ჩვენი უპასუხისმგებლო ქმედებებით ეს მნიშვნელოვანი მონაპოვარი არ დავკარგოთ. მნიშვნელოვანია, პარტნიორ ქვეყნებს დავანახოთ, რომ ქვეყანა არალეგალურ მიგრაციას ხელს არ უწყობს.

ამ თემაზე კანონპროექტი ინიცირებული იყო, რომელიც ჩემი აზრით, ძალინ ხისტ ზომებს გულისხმობდა, რაც საბაჟო კონტროლზე კონკრეტული უწყების წარმომადგენლებისთვის იმის უფლებამოსილებას ითვალისწინებდა, რომ მათ გაშვებაზე უარი ეთქვათ. ეს ზედმეტი და არაპროპორციული ჩარევა იქნებოდა, ამ ვერსიაზე უარი ვთქვით. ამ კანონპროექტის გაწვევა ან ჩაგდება მოხდება“, – განაცხადა თამარ ჩუგოშვილმა.

წყარო: პირველი არხი

საკვანძო სიტყვები:

ვახტანგ გომელაური ევროპის საბჭოს საპარლამენტო ასამბლეის მონიტორინგის კომიტეტის დელეგაციას შეხვდა

18 სექტემბერი, 2019 , 10:25

შინაგან საქმეთა მინისტრი ვახტანგ გომელაური საქართველოში ოფიციალური ვიზიტით მყოფ ევროპის საბჭოს საპარლამენტო ასამბლეის მონიტორინგის კომიტეტის დელეგაციას შეხვდა. მხარეებმა განიხილეს საოკუპაციო ხაზის მიმდებარედ უკანასკნელ პ

ნათია თურნავა აზერბაიჯანის პრეზიდენტს ილჰამ ალიევს შეხვდა

17 სექტემბერი, 2019 , 16:55

ეკონომიკისა და მდგრადი განვითარების მინისტრი ნათია თურნავა აზერბაიჯანის პრეზიდენტს ილჰამ ალიევს შეხვდა. შეხვედრაზე ნათია თურნავამ მადლობა გადაუხადა აზერბაიჯანის ლიდერს თბილი მიღებისთვის და იმ მხარდაჭერისთვის, რომელსაც აზ

ვისაუბრეთ რა ნაბიჯები უნდა გადაიდგას, რათა ჩვენი ეკონომიკების თავსებადობა მაღალი იყოს - გიორგი გახარია

16 სექტემბერი, 2019 , 16:30

გიორგი გახარია სამეზობლო პოლიტიკისა და გაფართოების საკითხებში ევროკომისარ იოჰანეს ჰანს შეხვდა. ,,ვისაუბრეთ, რა ნაბიჯები უნდა გადაიდგას, როგორც ინსტიტუციონალურ, ასევე, საკანონმდებლო მიმართულებით, რათა ჩვენი ეკონომიკების თ

ჩვენთვის საქართველო არის მოწინავე ქვეყანა აღმოსავლეთ სამეზობლოში, განსაკუთრებით სამართლის უზენაესობის მიმართულებით - იოჰანეს ჰანი

16 სექტემბერი, 2019 , 16:30

„ევროკავშირი და საქართველო ძალიან მჭიდრო პარტნიორები და მეგობრები არიან. ვადასტურებ იმას, რაც ბრძანა პრემიერ-მინისტრმა, ვისაუბრეთ იმის შესახებ, რომ უფრო გაღრმავდეს ჩვენი თანამშრომლობა. განსაკუთრებით ისეთი პოტენციალ

ყველაფერი უნდა გავაკეთოთ, რათა ევროკავშირის სადამკვირვებლო მისიის მანდატი აღსრულდეს მთელს ოკუპირებულ ტერიტორიაზე - გიორგი გახარია

16 სექტემბერი, 2019 , 16:09

ყველაფერი უნდა გავაკეთოთ, რათა ევროკავშირის სადამკვირვებლო მისიის მანდატი აღსრულდეს მთელს ოკუპირებულ ტერიტორიაზე, რამაც ხელი უნდა შეუწყოს ჩვენი მოქალაქეების უსაფრთხოების დაცვის უზრუნველყოფას, - ამის შესახებ საქართველოს პ

გია ვოლსკიმ თქვა, რომ თურმე ამოცანა ჰქონიათ, არ დაუწესდეს რუსეთს სანქციები - გიგა ბოკერია

16 სექტემბერი, 2019 , 15:50

დღეს მოხდა აღიარებითი ჩვენება, გია ვოლსკიმ თქვა, რომ თურმე ამოცანა ჰქონიათ, არ დაუწესდეს რუსეთს სანქციები, – ასე შეაფასა „ევროპული საქართველოს“ წევრმა, გიგა ბოკერიამ საპარლამენტო უმრავლესობის ლიდერის, გ

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს