უახლესი ამბები
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
ავთენტურობის დამტკიცების შემთხვევაში ნაციონალური მოძრაობა არჩევნებიდან უნდა მოიხსნას - ვიქტორ დოლიძე
პარტია "თავისუფალი დემოკრატების" ვაკის მე-2 ოლქის მაჟორიტარობის კანდიდატის, ვიქტორ დოლიძის განცხადებით, ფარული ჩანაწერის ავთენტურობის დამტკიცების შემთხვევაში ნაციონალური მოძრაობა არჩევნებიდან უნდა მოიხსნას.
„ნაციონალული მოძრაობა ეს არის პოლიტიკური გაერთიანება, რომელმაც ძალადობით მოიპოვა ხელისუფლება და ხელისუფლებაში ყოფნის დროს, იყო ადამიანის წინააღმდეგ განწყობილი. თუ ჩანაწერის ავთენტურობა დადასტურდება, ეს პოლიტიკური გაერთიანება უნდა მოიხსნას არჩევნებიდან. ამის მერე, ვინ უნდა მისცეს ნაციონალურ მოძრაობას ხმა, ნამდვილად ვერ წარმომიდგენია“, - განაცხადა ვიქტორ დოლიძემ.
მან პრესკონფერენციაზე შესაბამის უწყებებს დროულად გამოძიებისკენ მოუწოდა.
„თუ ავთენტურობა დამტკიცდება, პასუხისგებაში უნდა მიეცეს ყველა მონაწილე პირი და დაისვენებს ხალხიც და ქვეყანაც. ავთენტურობის დამტკიცებას არ სჭირდება ბევრი დრო ", - განაცხადა დოლიძემ.
შეგახსენებთ, რომ 27 სექტემბერს, YouTube-ზე გამოქვეყნდა ფარული საუბრის ჩანაწერი.
საუბარში სავარაუდოდ მონაწილეობენ მიხეილ სააკაშვილი, გიგი წერეთელი, აკაკი ბობოხიძე, ნუგზარ წიკლაური, პეტრე ცისკარიშვილი და აკაკი მინაშვილი, რომლებიც სავარაუდოდ, სახელმწიფო გადატრიალების გეგმას განიხილავენ.
ფარულ ჩანაწერთან დაკავშრებით სუს-მა გამოძიება დაიწყო და პარტიის ლიდერები, დაკითხვაზე დაიბარა, თუმცა ისინი კონტრდაზვერვის დეპარტამენტში, საარჩევნო კამპანიისთვის ხელის შეშლის მოტივით, მისვლას არ აპირებენ.
მონიკა დავლიანიძე