ავტომანქანა “BMW X1” ლუქს-კლასის კომპაქტურ კროსოვერებს შორის ბესტსელერად იქცა. ორწელიწად-ნახევრის განმავლობაში მისი გაყიდვის მოცულობამ 300 000 ავტომანქანას გადააჭარბა. იგი ბაზარზე 2009 წლის სექტემბერში გავიდა. ამ პერიოდიდან დღემდე მან კომპაქტური კროსოვერების კლასის სეგმენტში თავყვანისმცემელთა დიდი აუდიტორია შეიძინა, რომელიც სტაბილურად ფართოვდება და არაერთი ჯილდო მოიპოვა. “BMW X1”ის დაუჯერებელი პოპულარობა როგორც გერმანიაში, ისე სხვა ქვეყნებში, კიდევ ერთხელ ადასტურებს იმ კონცეფციის მიმზიდველ ძალას, რომელიც “BMW X”-ის მოდელებში არის გამოყენებული.

კომპაქტური უნივერსალური ავტომობილი ბაზარზე “BMW X”-ის “ოჯახობაში” მეოთხე წარმომადგენლის რანგში გამოვიდა. მის გარდა, ამ ჯგუფში შედიან: “BMW X3”, “BMW X5” და “BMW X6”.