უახლესი ამბები
არქივი
საზოგადოება
აზარტული თამაშების თემაზე შეიქმნება სამუშაო ჯგუფი
აზარტული თამაშების თემაზე შეიქმნება სამუშაო ჯგუფი, რომელშიც შევლენ როგორც სახელმწიფოს წარმომადგენლები, ასევე საზოგადოების წევრები და რა თქმა უნდა, ეკლესიაც თავის წვლილს შეიტანს ამაში, - განაცხადა მამა ანდრია ჯაღმაიძემ სამების საკათედრო ახალგაზრდულ ცენტრში განაცხადა, სადაც აზარტული თამაშების თემაზე შეხვედრა გაიმართა.
მისივე თქმით, შაბათის შეხვედრები საქართველოს კათოლიკოს-პატრიარქის, უწმინდესისა და უნეტარესის ილია მეორის ინიცირებულია.
მამა ანდრია ჯაღმაიძის განცხადებით, დღევანდელ შეხვედრაზე გამოითქვა საინტერესო მოსაზრებები გამოითქვა.
"თითონ საკანონმდებლო ინიციატივაში მნიშვნელოვანი რეგულაციებია ნაგულისხმევი. ჩვენი ფორმატი საშუალებას იძლევა, რომ სამთავრობო სექტორის გარდა, საზოგადოების სხვა წარმომადგენლები, რომლებიც ამ საკითხებით არიან დაინტერესებულები და წლების განმავლობაში ამ საკითხებზე მუშაობდნენ, იყვნენ ჩართულები. დღევანდელი დღის რეზიუმე იყო ის, რომ შეიქმნას სამუშაო ჯგუფი, სადაც შევლენ როგორც სახელმწიფოს წარმომადგენლები, ასევე საზოგადოების წევრები და რა თქმა უნდა, ეკლესიაც თავი წვლილს შეიტანს ამაში", - განაცხადა მამა ანდრია ჯაღმაიძემ.
ნინო ექვთიმიშვილი