უახლესი ამბები
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
პოლიტიკა
აზერბაიჯანის პრეზიდენტმა და საქართველოს ვიცე-პრემიერმა კიდევ ერთხელ დაადასტურეს ორი ქვეყნის სტრატეგიული პარტნიორობა
საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე ქ. ბაქოში ვიზიტის ფარგლებში აზერბაიჯანის რესპუბლიკის პრეზიდენტს ილჰამ ალიევს შეხვდა.
შეხვედრაზე მხარეებმა კიდევ ერთხელ დაადასტურეს საქართველო-აზერბაიჯანის სტრატეგიული პარტნიორობა და მეგობრობა, ხაზი გაუსვეს ორივე ქვეყნის დაინტერესებას ურთიერთობების შემდგომი გაღრმავების და განმტკიცების მიმართულებით.
ვიცე-პრემიერმა მადლობა გადაუხადა აზერბაიჯანის პრეზიდენტს პირადად მისი მითითებით ბორჯომისა და აბასთუმნის ხეობაში ხანძრის სალიკვიდაციო სამუშაოებში აზერბაიჯანის მხრიდან გაწეული მნიშვნელოვანი დახმარებისთვის.
მხარეებმა აღნიშნეს აზერბაიჯანი-საქართველო-თურქეთის სამმხრივი თანამშრომლობის ფორმატის მნიშვნელობა და მიესალმნენ აღნიშნულ ფორმატში საგარეო საქმეთა მინისტრების 6-ე შეხვედრის ორგანიზებას ბაქოში.
განსაკუთრებული ყურადღება დაეთმო საქართველო-აზერბაიჯანის თანამშრომლობას სტრატეგიული სატრანსპორტო და ენერგეტიკული სატრანზიტო დერეფნის განვითარების საქმეში. მხარეები მიესალმნენ ამ მიმართულებით არსებული ერთობლივი პროექტების ეფექტურ განხორციელებას, მათ შორის ბაქო-თბილისი-ყარსის პროექტის დამამთავრებელ ფაზაში გადასვლას.
შეხვედრაზე განსაკუთრებული ყურადღება დაეთმო საქართველოსა და აზერბაიჯანს შორის სავაჭრო-ეკონომიკურ ურთიერთობებს, აღინიშნა ამ მიმართულებით არსებული პოზიტიური დინამიკა. მხარეები შეთანხმდნენ ხელი შეუწყონ სავაჭრო ურთიერთობების და ქვეყნებს შორის საქონელბრუნვის ზრდას, ამ მიმართულებით მხარეებმა განიხილეს სავაჭრო სახლების დაფუძნების შესაძლებლობა.
მხარეებმა მიმოიხილეს საერთაშორისო ფორმატების ფარგლებში წარმატებული თანამშრომლობა. განსაკუთრებული ყურადღება დაეთმო სუამის ფარგლებში თანამშრომლობის საკითხებს, თბილისმა, როგორც სუამის მოქმედმა თავმჯდომარე ქვეყანამ გამოთქვა ინიციატივა სათანადოდ აღინიშნოს ორგანიზაციის დაარსების ათი წლისთავი.
საქართველოს ვიცე-პრემიერმა ხაზი გაუსვა ქვეყნებს შორის არსებული ორმხრივი დიალოგის მაღალ დონეს და აზერბაიჯანის პრეზიდენტი საქართველოში მიიწვია.