უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
საზოგადოება
აზიელებმა საქართველოში თავისი საზოგადოების სტრუქტურირება შეძლეს, მათ უსაფრთხოების სამსახურიც აქვთ-მამუკა არეშიძე
ექსპერტის მამუკა არეშიძის აზრით, საქართველო დგას საფრთხისა და გამოწვევის წინაშე, რომელიც აზიის ქვეყნებიდან ჩამოსულ ადამიანებს უკავშირდება.
არეშიძის თქმით, ამ ადამიანებმა შეძლეს საქართველოში თავიანთი საზოგადოების სტრუქტურირება.
როგორც ექსპერტმა პრესკონფერენციაზე აღნიშნა, ქართულ საზოგადოებაში ნელ-ნელა სხვა საზოგადოება ყალიბდება.
„საფრთხე ჩვენთვის სხვა რამეა. სხვა ტიპის საფრთხე და გამოწვევა გაჩნდა საქართველოსთვის. დიდი დავაა იმასთან დაკავშირებით, რამდენად სწორად იქცევა საზოგადოება როდესაც პროტესტს გამოთქვამს აქ მყოფი აზიელების სიმრავლესთან დაკავშირებით.
სამწუხაროდ, ვერც ისინი და ვერც მათი მოწინააღმდეგეები ზუსტად ვერ აცნობიერებენ რა ხდება.
ის ხალხი, ვინც აქ არის ჩამოსული ძირითადად არის ძალიან ორგანიზებული და კონსოლიდირებული ჯგუფები ადამიანებისა. ამ ადამიანებმა შეძლეს, ბოლო დროის განმავლობაში, იმდენად კარგად ორგანიზება, რომ მიაღწიეს თავისი საზოგადოების სტრუქტურირება. ანუ ქართულ საზოგადოებაში ნელ-ნელა ყალიბდება სხვა საზოგადგოება, რომელსაც აქვს თავისი ინფრასტრუქტურა, ურთიერთობის წესები, ენა, თავისი საზოგადოებრივი და სამოქალაქო სტრუქტურები, უსაფრთხოების სამსხურიც კი. ეს არის საკმაოდ უსიამოვნო მოვლენა. ამან ჩვენი საზოგადოების თვალწინ ისე ჩაიარა, რომ საზოგადოება ამას ვერ ჩაწვდა. საზოგადოებას ქონდა ემოციური რეაქცია იმაზე, რაც ხდებოდა და არა გააზრებული.
ვიღაცა ოპონენტი მეტყვის, რომ ასეთი რამ ხდება ევროპის ქვეყნებში, იგივე „ჩაინა თაუნების“ არსებობა. მაგრამ სხვა არის ნიუ-იორკი, სხვა არის ლონდონი. ეს არის ძლიერი სახელმწიფოების დედაქალაქები. საქართველო არ არის ძლიერი სახელმწიფო, საქართველოს ასეთი ტიპის კონსტრუირებული საზოგადოებრივი წარმონაქმნის გადახარშვა არ შეუძლია. ამიტომ, ეს არის ძალიან სერიოზული გამოწვევა. ამას სჭირდება სერიოზული დაკვირვება და სწორი რეაგირება“,-განაცხადა მამუკა არეშიძემ.
მონიკა დავლიანიძე