უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მსოფლიო
აზიის განვითარების ბანკის ახალ პრეზიდენტად მასაცუგუ ასაკავა აირჩიეს
აზიის განვითარების ბანკის (ADB) პრეზიდენტად ბანკის მმართველთა საბჭომ ერთხმად მასაცუგუ ასაკავა აირჩია. ამის შესახებ „მედიანიუსს“ აზიის განვითარების ბანკიდან აცნობეს.
მათი ინფორმაციით, 61 წლის მასაცუგუ ასაკავას ამჟამად იაპონიის პრემიერ-მინისტრის და ფინანსთა მინისტრის სპეციალური მრჩევლის პოზიცია უჭირავს და ADB-ის მეათე პრეზიდენტის თანამდებობას 2020 წლის 17 იანვარს დაიკავებს. მოქმედი პრეზიდენტი ტაკეჰიკო ნაკაო უფლებამოსილებას 2020 წლის 16 იანვარს დატოვებს. ასაკავა კი, პრეზიდენტ ნაკაოს ამოუწურავ ვადას დაასრულებს, რომელიც 2021 წლის 23 ნოემბერს იწურება.
„ბატონი ასაკავას ხანგრძლივი და მრავალფეროვანი გამოცდილება საერთაშორისო ფინანსებისა და განვითარების მიმართულებით, ADB-ის ხედვის აზიისა და წყნარი ოკეანის რეგიონის წარმატებული, მრავალმხრივი, მედეგი და მდგრადი განვითარების განხორციელებაში დაეხმარება,“ - განაცხადა კორეის რესპუბლიკის ვიცე-პრემიერმა და ეკონომიკისა და ფინანსთა მინისტრმა ჰონგ ნამ-კიმ, რომელიც ამავე დროს ADB-ის მმართველთა საბჭოს თავმჯდომარეა.
მისივე თქმით, „ADB-ის მმართველთა საბჭო მოუთმენლად ელოდება ბატონ ასაკავასთან მუშაობას.“
თავისი კარიერის განმავლობაში, რომელიც თითქმის ოთხ ათწლეულს ითვლის, მასაცუგუ ასაკავას მაღალი რანგის თანამდებობები ეკავა იაპონიის ფინანსთა სამინისტროში, მათ შორის იყო ფინანსთა მინისტრის მოადგილე საერთაშორისო ურთიერთობების მიმართულებით და მიღებული აქვს მრავალმხრივი გამოცდილება განვითარების პოლიტიკის, საერთაშორისო სავალუტო ბაზრებისა და საერთაშორისო საგადასახადო რეგულაციების მიმართულებით.
2019 წლის დიდი ოცეულის (G20) ოსაკას სამიტსა და ფუკუოკაში, იაპონია, დიდი ოცეულის ფინანსთა მინისტრებისა და ცენტრალური ბანკების პრეზიდენტების შეხვედრის დროს წარმოდგენილი იყო როგორც ფინანსთა მინისტრის მოადგილე. ამასთან, გლობალური ფინანსური კრიზისის შემდეგ მონაწილეობა მიიღო დიდი ოცეულის ლიდერების სამიტის პირველ შეხვედრაში, როგორც იმდროინდელი პრემიერ-მინისტრის ტარო ასოს აღმასრულებელი თანაშემწე. მასაცუგუ ასაკავა აქტიურად იყო ჩართული ეკონომიკური თანამშრომლობის და განვითარების ორგანიზაციის მუშაობაში და 2011-2016 წლებში ორგანიზაციის ფისკალურ საკითხთა კომიტეტის თავმჯდომარის თანამდებობა ეკავა.
2012-2015 წლებში ბატონი ასაკავა ტოკიოს უნივერსიტეტის, ხოლო 2006-2009 წლებში საიტამას უნივერსიტეტის მიწვეული პროფესორი გახლდათ.
მასაცუგუ ასაკავამ 1981 წელს მიიღო ტოკიოს უნივერსიტეტის ხელოვნების ბაკალავრის ხარისხი, ხოლო 1985 წელს პრინსტონის უნივერსიტეტის საჯარო მმართველობის მაგისტრი გახდა.
ADB-ის მიზანია, ხელი შეუწყოს აზიისა და წყნარი ოკეანის რეგიონის წარმატებულ, მრავალმხრივ, მედეგ და მდგრად განვითარებას. ამავდროულად, ის კვლავაც აგრძელებს მუშაობას რეგიონში უკიდურესი სიღარიბის აღმოსაფხვრელად. 1966 წელს დაარსებული ორგანიზაცია აერთიანებს 68 ქვეყანას, მათ შორის 49 აზიის რეგიონიდანაა წარმოდგენილი. 2018 წელს ADB-ს მიერ გაცემული სესხებისა და გრანტების ჯამურმა მოცულობამ 21.6 მილიარდი აშშ დოლარი შეადგინა.