უკან

ეკონომიკა

14 სექტემბერი, 2018 17:46
font-size

აზიის განვითარების ბანკმა ანაკლიის განვითარების კონსორციუმთან ურთიერთშეთანხმების მემორანდუმი გააფორმა

დღეს, აზიის განვითარების ბანკმა (აგბ) და ანაკლიის განვითარების კონსორციუმმა ურთიერთშეთანხმების მემორანდუმი გააფორმეს, რომელიც მიზნად ისახავს საქართველოში ანაკლიის ღრმაწყლოვანი პორტისა და სპეციალური ეკონომიკური ზონის (სეზ) განვითარების შესაძლებლობების შესწავლასა და გამოვლენას.

ევროპასა და აზიას შორის სტრატეგიული მდებარეობის მქონე ანაკლიის პორტის პროექტი, რომელიც დაახლოებით 3 მილიარდ აშშ დოლარად არის შეფასებული, რეგიონული განვითარების პროგრამის მამოძრავებელ ძალად განიხილება და ცენტრალური აზიის ქვეყნების საერთაშორისო ბაზრებთან დაკავშირებას ისახავს მიზნად.

„ანაკლიის პორტი და სპეციალური ეკონომიკური ზონა რეგიონულ თანამშრომლობასა და სავაჭრო ურთიერთობებს ახალ საფეხურზე გადაიყვანს და საქართველოს საერთაშორისო ლოგისტიკისა და ბიზნესის ცენტრად აქცევს,“ - განაცხადა აზიის განვითარების ბანკის ცენტრალური და დასავლეთ აზიის დეპარტამენტის გენერალურმა დირექტორმა, ვერნერ ლიპახმა. „აზიის განვითარების ბანკი უზრუნველყოფს ფინანსების მობილიზებას და საკონსულტაციო მომსახურებას პროექტით გათვალისწინებული რეგიონული განვითარების შესაძლებლობების გასაღრმავებლად. ჩვენ ვთავაზობთ დაფინანსებას როგორც სახელმწიფოს, ასევე კერძო სექტორს. როგორც საქართველოს სტრატეგიულ პარტნიორს, შესაძლებლობა გვაქვს მოვიზიდოთ ფართომასშტაბიანი დაფინანსება, უზრუნველვყოთ ტრანზაქციის მოსამზადებელი დახმარება, ხელი შევუწყოთ საჯარო და კერძო სექტორებს შორის თანამშრომლობასა და ასევე, რეგიონულ პარტნიორობასა და შესაძლებლობების განვითარების მიზნით ტექნიკური დახმარების მობილიზებას.“

ანაკლიის ღრმაწყლოვანი პორტი გახდება ყველაზე დიდი და განვითარებული პორტი შავი ზღვის რეგიონში, რომელსაც საშუალება ექნება მიიღოს 10,000- კონტეინერიანი გემები. საავტომობილო და სარკინიგზო გზების საშუალებით პორტი ასევე ადვილად მისადგომი გახდება ზღვაზე გასასვლელის არმქონე ცენტრალური აზიის მეზობელი ქვეყნებისთვის, მათ შორის, სომხეთისა და აზერბაიჯანისთვის. პორტის მიმდებარე ტერიტორია განვითარდება სპეციალურ ეკონომიკურ ზონად, რომელიც ბიზნესისა და ინვესტიციების მოზიდვის ცენტრად იქცევა.

ურთიერთშეთანხმების მემორანდუმი აგბ-ს, ანაკლიის პორტსა და სეზ-ის განვითარების კონსორციუმს, ანაკლიის განვითარების კონსორციუმსა და სს ანაკლია სითის საშუალებას მისცემს განავითაროს თანამშრომლობის შესაძლებლობები ინფრასტრუქტურის, ადამიანური რესურსების განვითარების, ფინანსებისა და ვაჭრობის მიმართულებით.

მემორანდუმს ხელი მოაწერა აზიის განვითარების ბანკის ცენტრალური და დასავლეთ აზიის დეპარტამენტის გენერალურმა დირექტორმა ვერნერ ლიპახმა, ანაკლიის განვითარების კონსორციუმის გენერალურმა დირექტორმა ლევან ახვლედიანმა და სს ანაკლია სითის გენერალურმა დირექტორმა ქეთევან ბოჭორიშვილმა.

ურთიერთშეთანხმების მემორანდუმში თანამშრომლობის სავარაუდო მიმართულებებად განისაზღვრა პორტისა და სეზ-ის საქართველოს სხვა ქალაქებსა და რეგიონებთან, ასევე მეზობელ ქვეყნებთან ინფრასტრუქტურული ქსელის განვითარება; კერძო და საჯარო სექტორებს შორის თანამშრომლობა, სტრატეგია და რეგულაციები, ურბანული დაგეგმარება, კერძო სექტორის განვითარება, ტექნიკური და პროფესიული განათლება და სასწავლო პროგრამები პორტსა და ქალაქში ძირითადი სერვისების გაუმჯობესების მიზნით.

საქართველოში აგბ-ს განვითარების საკვანძო პრიორიტეტებად განსაზღვრულია ინკლუზიური და მდგრადი ეკონომიკური ზრდა, სიღარიბის დონის შემცირება, რეგიონული კავშირების გაძლიერება და სამოქალაქო სერვისების გაუმჯობესება.

„აზიის განვითარების ბანკის თანამშრომლობა საქართველოსთან ბოლო სამი წლის მანძილზე მნიშვნელოვნად გაფართოვდა,“ - განაცხადა აზიის განვითარების ბანკის მუდმივი წარმომადგენლობის დირექტორმა საქართველოში, იეშიმ ელჰან-კაიალარმა. „პროექტს აქვს პოტენციალი გარდაქმნას არსებული გეო-ეკონომიკური გარემო და მრავალმხრივ განავითაროს ქვეყნის შესაძლებლობები.“

“ანაკლიის ღრმაწყლოვანი პორტი არის მთავარი სატრანსპორტო საზღვაო კარიბჭე კავკასიისა და ცენტრალური აზიის ქვეყნებისთვის. ამ კონტექსტში, საქართველოსა და მისი მეზობელი ქვეყნებისთვის ინფრასტრუქტურის განვითარება ერთ-ერთი მთავარი მიზანია. შესაბამისად, ჩვენთვის დიდ მნიშვნელობას ატარებს აზიის განვითარების ბანკთან თანამშრომლობა, რომელიც რეგიონში ამ მიმართულებით წამყვანი დონორი ორგანიზაციაა“, - განაცხადა ანაკლიის განვითარების კონსორციუმის გენერალურმა დირექტორმა ლევან ახვლედიანმა.

ანაკლია სითის გენერალური დირექტორი ქეთი ბოჭორიშვილი: „მოხარული ვართ აზიის განვითარების ბანკთან პარტნიორობით. ანაკლიის პროექტები რეგიონში შექმნის ათასობით ახალ სამუშო ადგილს და ჩვენი სურვილია, ხელი შევუწყოთ რეგიონის მოსახლეობისთვის საგანმანათლებლო და გადასამზადებელ აქტივობებს. ამასთან, ჩვენი თანამშრომლობა ADB-ის გუნდთან მნიშვნელოვან წვლილს შეიტანს ქალაქ ანაკლიის, როგორც მომავლის პროექტის, თანამედროვე ინფრასტრუქტურისა და სისტემების განვითარებაში“.

აზიის განვითარების ბანკი საქართველოს მხარდაჭერას 2007 წლიდან უწევს და ის ქვეყნის განვითარების ხელშეწყობის ყველაზე დიდი მრავალმხრივი პარტნიორია. საქართველოსთვის გაცემული სუვერენული და არასუვერენული სესხების ჯამური რაოდენობა 2.42 მილიარდ აშშ დოლარს შეადგენს.

აგბ-ს მიზანია, ხელი შეუწყოს აზიისა და წყნარი ოკეანის რეგიონის წარმატებულ, მრავალმხრივ, მედეგ და მდგრად განვითარებას. ამავდროულად, ის კვლავაც აგრძელებს მუშაობას რეგიონში უკიდურესი სიღარიბის აღმოსაფხვრელად. 1966 წელს დაარსებული ორგანიზაცია აერთიანებს 67 ქვეყანას, მათ შორის 48 აზიის რეგიონიდანაა წარმოდგენილი. 2017 წელს აგბ-ს მიერ განხორციელებული პროექტების ჯამურმა ღირებულებამ 32.2 მილიარდი აშშ დოლარი შეადგინა, მათ შორის 11.9 მილიარდი თანადაფინანსების სახით.

სწრაფად უნდა დაიწყოს დავით გარეჯის აღდგენა და ასევე სასწრაფოდ უნდა შევუდგეთ საზღვრის დადგენის საკითხს - სალომე ზურაბიშვილი

20 აპრილი, 2019 , 16:45

საქართველოს პრეზიდენტმა, ევროპა ნოსტრას ჯგუფთან ერთად, დავით გარეჯის სამონასტრო კომპლექსი დაათვალიერა. ამის შესახებ მან ვიდეომასალა ფეისბუკის საკუთარ გვერდზე გაავრცელა. „აქ ყველაფერში ჩანს, რომ აუცილებელია, ძალიან

ბერძნული ავიაკომპანია თბილისის მიმართულებით სეზონურ ფრენებს შეასრულებს

19 აპრილი, 2019 , 15:05

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანებასა“ და ბერძნულ ავიაკომპანია ELLINAIR-ს შორის მოლაპარაკებების წარმატებით დასრულების შედეგად, მაისიდან განახლდება სეზონური რეი

ევროკავშირში ექსპორტი შემცირდა, დსთ-ის ქვეყნებში კი, გაიზარდა

19 აპრილი, 2019 , 13:30

საქართველოდან ევროკავშირის ქვეყნებში, 2019 წლის იანვარ-მარტში, 196.0 მლნ აშშ დოლარის ექსპორტი განხორციელდა, რაც 6.4 პროცენტით ნაკლებია წინა წლის შესაბამის მაჩვენებელზე და ქვეყნის მთლიანი ექსპორტის 23.7 პროცენტს შეადგენს.

საქართველოში იმპორტი 4.7 პროცენტით შემცირდა

19 აპრილი, 2019 , 13:30

საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე), 2019 წლის იანვარ-მარტში, 2 807.3 მლნ. აშშ დოლარი შეადგინა, რაც წინა წლის შესაბამის მაჩვენებელზე 0.1 პროცენტით ნაკლებია. საქსტატის ინფორმაც

საქართველოს ეროვნული ბანკისა და მსოფლიოს ბანკის ორგანიზებით, სპეციალიზებული დეპოზიტარის ფონდის მართვის შესახებ სამუშაო შეხვედრა გაიმართა

19 აპრილი, 2019 , 10:27

საქართველოს ეროვნული ბანკის ორგანიზებით სპეციალიზებული დეპოზიტარის ფონდის მართვის თემაზე სამუშაო შეხვედრა გაიმართა. ღონისძიება ევროკავშირისა და მსოფლიო ბანკის ერთობლივი პროექტის ფარგლებში ჩატარდა და მიზნად ისახავს ბაზრის

მივესალმებით კვიპროსთან ურთიერთობის გაღრმავებას ყველა სექტორში - გიორგი ქობულია

18 აპრილი, 2019 , 14:15

ღრმად ვარ დარწმუნებული, რომ საქართველო-კვიპროსის ბიზნესფორუმი მნიშვნელოვნად შეუწყობს ხელს ჩვენი ბიზნესწრეების დაახლოებას, - ამის შესახებ ეკონომიკისა და მდგრადი განვითარების მინისტრმა გიორგი ქობულიამ საქართველო-კვიპროსის

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019