უკან

უახლესი ამბები

დღის კალენდარი

ანონსები

არქივი

საზოგადოება

7 დეკემბერი, 2018 12:05
font-size

ბაგა-ბაღების კვებით მომსახურებაზე გავრცელდა დეზინფორმაცია - ირაკლი ბენდელიანი

თბილისის ბაგა-ბაღების კვებით მომსახურებაზე გავრცელდა დეზინფორმაცია, რომელიც მიზნად ისახავდა მოსახლეობის შეცდომაში შეყვანას, - ასე ეხმაურება თბილისის მერის მოადგილე ირაკლი ბენდელიანი სამაუწყებლო კომპანია „რუსთავი 2“-ის ეთერით გასულ სიუჟეტს იმასთან დაკავშირებით, თითქოს მომავალი წლიდან საჯარო ბაგა-ბაღების 61 000 აღსაზრდელი კვების გარეშე შეიძლება დარჩეს.

ირაკლი ბენდელიანის განმარტებით, დედაქალაქის მერიის მიერ საბავშვო ბაგა-ბაღების კვებით უზრუნველყოფაზე სატენდერო წინადადებების მიღება 12 დეკემბერს დასრულდება და ტენდერში მონაწილე კომპანიების ვინაობა მხოლოდ ამის შემდეგ გახდება ცნობილი. შესაბამისად, იმაზე საუბარი, რომ ტენდერი შეიძლება ჩაიშალოს და საბავშვო ბაღების მოსწავლეები საკვების გარეშე დარჩნენ, სინამდვილეს არ შეესაბამება.

„სამწუხაროა, რომ დღეს „რუსთავი 2“-ის ეთერით გავიდა სიუჟეტი, რომელიც არის დეზინფორმაცია და მიზნად ისახავდა მოსახლეობის შეცდომაში შეყვანას ისეთ საკითხზე, როგორიც არის ბაგა-ბაღის აღსაზრდელები და მათი კვების საკითხი. „რუსთავი 2“-ის მიერ გავრცელებულ ინფორმაციაში საუბარი იყო, რომ გამოცხადებულ ტენდერში ჯერ კიდევ არავის მონაწილეობა არ ჩანს. იმ ეტაპზე, როდესაც ტენდერი 2 დღის წინ არის გამოცხადებული და არის დახურული, ფიზიკურად შეუძლებელია რომელიმე მონაწილე კომპანიის ნახვა იმ ეტაპამდე, სანამ ყველა კომპანიის წინადადების მიღება არ დასრულდება. ტენდერი გამოცხადდა 4 დეკემბერს, წინადადებების მიღება სრულდება 12 დეკემბერს. შესაბამისად, 12 დეკემბრის შემდეგ გახდება ცნობილი ტენდერში მონაწილე პირების ვინაობა და გადავალთ შერჩევა-შეფასების ეტაპზე. ამ ყველაფერთან დაკავშირებით დღეს მერიის პრესსამსახურმაც მიაწოდა სიტყვიერი განმარტება „რუსთავი-2“-ს, მაგრამ ინფორმაცია მაინც არასწორად გავრცელდა. ყველა ინფორმაცია, რომელიც ეხება ბავშვების კვებით მომსახურებასთან დაკავშირებულ ტენდერს, არის საჯარო. სატენდერო წინადადებების დასრულების ანუ 12 დეკემბრის შემდეგ კი მეტი დეტალი იქნება ხელმისაწვდომი ნებისმიერი დაინტერესებული პირისთვის. გვეცოდინება, რომელმა კომპანიებმა მიიღეს ტენდერში მონაწილეობა“, - განაცხადა ირაკლი ბენდელიანმა.

თბილისის მერის მოადგილის თქმით, „რუსთავი 2“-ის ეთერით გასული სიუჟეტი შეიცავდა, ასევე, სხვა არასწორ ინფორმაციასაც, რომელიც ეხება ტენდერში მონაწილე ერთ-ერთი კომპანიის გაკოტრებას და ბავშვებისთვის მისაწოდებელი საკვები პროდუქტების დაბალხარისხიანობას.

„არ შეესაბამება სიმართლეს ინფორმაცია იმასთან დაკავშირებით, რომ იმ შემთხვევაში, თუ მერია მოახერხებს კომპანიებთან ურთიერთობის დამყარებას, მოხდება დაბალხარისხიანი პროდუქტის შეტანა. თბილისის მერია ინდივიდუალურ რეჟიმში, არცერთ კომპანისთან არ აწარმოებს მოლაპარაკებას, მითუმეტეს, იმ ეტაპზე, როცა ტენდერია გამოცხადებული. დაველოდოთ ტენდერის შედეგებს. მე მესმის, რომ ვიღაცას შეიძლება აწყობდეს, რომ ტენდერი უარყოფითი შედეგით დასრულდეს, არავინ არ მიიღოს მონაწილეობა ან დაბალი ხარისხის პროდუქტი შევთავაზოთ ჩვენს ბავშვებს. ამასთან, მაინტერესებს, ინფორმაცია, სადაც საუბარია, რომ ერთ-ერთი კომპანია კოტრდება, რაიმე იურიდიულ დოკუმენტის მიხედვით არის მომზადებული თუ რომელიმე ოფიციალური პირის კომენტარს ეყრდნობა. მე ვფიქრობ, ეს არის იქ მონაწილე კონკრეტული პირების ფანტაზიის ნაწილი. თუ გადავხედავთ მიმდინარე წელს, მოქმედი კონტრაქტორის ყველა არსებულ გადაცდომაზე მერიის და ბაღების სააგენტოს მხრიდან იყო ადეკვატური რეაგირება. ეს იყო გაფრთხილება, საჯარიმო სანქცია და ა შ. ასე გაგრძელდება მომავალშიც. ტენდერის დასრულების შემდეგ ჩვენ უკვე კონკრეტულად შეგვეძლება ტენდერის ღირებულებაზე, ხარისხზეც და კომპანიაზეც საუბარი“, - განაცხადა ირაკლი ბენდელიანმა.

24 თებერვალს გორის გვირაბში მოძრაობა პერიოდულად შეიზღუდება

23 თებერვალი, 2019 , 16:21

24 თებერვალს გორის გვირაბში მოძრაობა პერიოდულად შეიზღუდება. აღნიშნულ ინფორმაციას საავტომობილო გზების დეპარტამენტი ავრცელებს. „საერთაშორისო მნიშვნელობის თბილისი–სენაკი–ლესელიძის საავტომობილო გზის 87-ე კმ

თავდასხმა რუსთაველზე - 39 წლის მამაკაცის მტკიცებით, ფარცხალაძის გარემოცვის წევრი ფიზიკურად გაუსწორდა

23 თებერვალი, 2019 , 15:46

თბილისის ცენტრში თავდასხმა მოხდა. რუსთაველის გამზირზე, ქაშუეთის ეკლესიასთან, რამდენიმე წუთის წინ სისხლიანი დაპირისპირება მოხდა. მოქალაქე ამტკიცებს, რომ მას სასტიკად გაუწსორდა ყოფილ მთავარ პროკურორთან, ოთარ ფარცხალაძესთან

„ადეიშვილთან იცით, ვინ დაარბენინებდა ამ ჩანაწერებს? - ვანო ზარდიაშვილი! ამ კაცმა იცის ზედმიწევნით ყველაფერი“

23 თებერვალი, 2019 , 15:15

ბოლოს გავრცელებული ვერსიით, ეკა ბესელიასთან დაკავშირებული ფარული კადრების გავრცელების თაობაზე გაიჟღერა, რომ ის სომხეთის ციხიდან იქნა ატვირთული.   რამდენად რეალურია ეს ვერსია? რა ხდება სინამდვილეში - ვინ იღებდა აღნიშ

მოძალადის ადგილი ჭიდაობის ფედერაციის სათავეში არ არის - ჭიდაობის ფედერაციასთან აქცია მიმდინარეობს

23 თებერვალი, 2019 , 15:15

ჭიდაობის ფედერაციასთან, სადაც ფედერაციის პრეზიდიუმის სხდომაა ჩანიშნული, ზურაბ დათუნაშვილის მხარდამჭერ აქციას სამოქალაქო აქტივისტები მართავენ. აქციის მონაწილეების თქმით, ჭიდაობის ფედერაციის პრეზიდენტმა გეგა გეგეშიძემ დაუყ

მართლწესრიგის ოფიცრის ვაკანსიებზე განცხადებების მიღების ახალი ეტაპი დაიწყო

23 თებერვალი, 2019 , 14:30

შინაგან საქმეთა სამინისტრომ მართლწესრიგის ოფიცრის ვაკანტურ თანამდებობაზე დასაქმების მსურველთა განცხადებების მიღების ახალი ეტაპი დაიწყო. როგორც „მედიანიუსს“ შს სამინისტროდან აცნობეს, მართლწესრიგის ოფიცრის 220

`მე გეტყვით ახლა, რას მოჰყვა ხორავას ქუჩის მკვლელობა... დიდი ხანი ვდუმდი ამაზე`

23 თებერვალი, 2019 , 14:00

"მოგესალმები, ბატონო ბიძინა, ნაკვირახად ქცეული ქვეყნიდან, ნაკვირახად ქცეული გამომშრალი, დაკბეჩილი, დაჩიავებული, ხორცშეურჩენელი, სიცოცხლე გამოწურული ქალაქიდან... იმერელი კაცი ხართ და გაიგებთ, გეცოდინებათ, რას ნიშნავს ნაკვ

ვიდეო გალერეა

მოსამართლეები ხელისუფლების სამსახურში