კომენტარი
ბაგა–ბაღიდან გადმოვარდნილ ბავშვს ქალა-ტვინის ტრავმა და გულ-მკერდის ბლაგვი ტრავმა აღენიშნება - დავით სერგეენკო
საქართველოს ჯანდაცვის მინისტრის დავით სერგეენკოს ინფორმაციით, ზემო ფონიჭალის ბაგა–ბაღიდან გადმოვარდნილ ბავშვს „ქალა-ტვინისისა და გულ-მკერდის ბლაგვი ტრამვა აღენიშნება“.
მისივე თქმით, ამ ეტაპზე მას ოპერაციული ჩარევა არ ესაჭიროება.
„მას აქვს ქალა-ტვინის ტრამვა და გულ-მკერდის ბლაგვი ტრამვა. ამ ეტაპზე მას ოპერაციული ჩარევა არ ესაჭიროება, თუმცა მდგომარეობა ძალიან საყურადღებოა და საჭიროებს ინტენსიურ მეთვალყურეობას“,- განაცხადა მინისტრმა.
ფაქტზე რეაგირებაზე საუბრისას, სერგეენკომ აღნიშნა,რომ პირველ რიგში ძალიან სწრაფად უნდა იქნეს გამოკვლეული სად იყო ხარვეზი დაშვებული.
„შესაბამისი ხარვეზის დამშვებმა უნდა აგოს პასუხი და უნდა გამოსწორდეს სასწრაფოდ“,- აღნიშნა სერგეენკომ.
ზემო ფონიჭალის ბაგა-ბაღის მეორე სართულიდან ბავშვი გადმოვარდა.
ბავშვი იგოროყვას კლინიკაში გადაიყვანეს.
საქმეზე გამოძიება შსს-მ 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე დაზიანებას გულისხმობს.
მონიკა დავლიანიძე