უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
პოლიტიკა
ბაია პატარაიამ სახალხო დამცველის კანდიდატთან დაკავშირებული სკანდალის გამო საზმაუს კონკურსს გამოეთიშა
უფლებადამცველი ბაია პატარაია საზოგადოებრივი მაუწყებლის კონკურს გამოეთიშა. აღნიშნული გადაწყვეტილება უკავშირდება ქალთა მოძრაობის მიერ გავრცელებულ განცხადებას, რომლის მიხედვით, სახალხო დამცველის მიერ დასახელებულ ბორდის წევრობის კანდიდატ ზვიად დევდარიანს სექსუალურ შევიწროებაში ადანაშაულებენ, რის გამოც დევდარიანის კანდიდატურა უნდა იყოს გამოთხოვილი.
„ორი დღეა ჩემი მეგობარი სექსუალურ შევიწროებაში ამხილეს.
და ორი დღეა მე ვუყურებ ჩემ სამსჯავროს:
დადგები თუ არა მსხვერპლი ქალის გვერდით?
აიღებ თუ არა სამართლიანობის ხმალს ხელში და თავს შუაზე გაუჩეხავ შენ მეგობარს?
შე, ორტრაკავ, და კლანის წევრო, უღალატებ თუ არა შენ პრინციპებს?
უღალატებ თუ არა მსხვერპლ ქალს შენი მეგობრის გამო?
და გიყურებს ათასი თვალი
და ითხოვენ, რომ შენ შენი სოციალური როლი შეასრულო;
ან არა და გამოემშვიდობო მიუკერძოებელი და პრინციპული პროფესიონალის სტატუსს.
და არ აწყობთ პასუხი:
მე ვერ გავერევი ამაში, ეს ინტერესთა კონფლიქტია.
- ეგრე ბებიაშენს ელაპარაკე, გეტყვის ძალადობის ყოფილი მსხვერპლი.
-მაინც დაჩმორდა ეს ორტრაკა, იტყვის მეორე.
მე არ მინდა ჩემ მეგობარს ვურტყა ნაჯახი,
მე მინდა ვიყო ადამიანი.
პ.ს. მე ვეთიშები საზმაუს კონკურსს.
პ.ს.ს. ქალთა მოძრაობა აკეთებს იმას, რასაც უნდა აკეთებდეს“, - დაწერა პატარაიამ.
საზოგადოებრივი მაუწყებლის სამეურვეო საბჭოში 4 ვაკანტური ადგილია, რომელთა დასაკავებლად 12 კანდიდატებს პარლამენტის დეპუტატთა უმრავლესობის მხარდაჭერა სჭირდებათ.