საზოგადოება

ბაკურიანს საფრთხე არ ემუქრება - მთის კურორტების განვითარების კომპანიის ხელმძღვანელი

მთის კურორტების განვითარების კომპანიის ხელმძღვანელის, ალექსანდრე ონოფრიშვილის განცხადებით, ბაკურიანს საფრთხე არ ემუქრება და საბაგიროები ჩვეულ რეჟიმში მუშაობენ.

„ბაკურიანში სრული სიმშვიდეა. ამ წუთას საბაგიროები ჩართულია ჩვეულ რეჟიმში. გუშინდელისგან განსხვავებით, დღეს ბაკურიანში დაკვამლიანება არ არის. ბორჯომის ხეობაში ცეცხლი ლოკალიზებულია და არანაირი შესაძლებლობა ბაკურიანში ცეცხლის გავრცელების არ არსებობს“, - განაცხადა ონოფრიშვილმა.

შეგახსენებთ, მეოთხე დღეა, ბორჯომის ხეობაში ცეცხლს აქრობენ. საგანგებო შტაბის ინფორმაციით, ხანძარი ლოკალიზებულია და მისი გავრცელება შეჩერებულია. ადგილზე ქართველ სახანძრო- სამაშველო დანაყოფებს ეხმარებიან თურქეთი, აზერბაიჯანი, ბელორუსი და სომხეთი. დახმარება შესთავაზეს საბერძნეთმა, გერანიამ და რუმინეთმა.

ანა მებურიშვილი