უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
პოლიტიკა
ბაქო-თბილისი-ყარსის რკინიგზა ევრაზიის სატრანსპორტო რუკის მნიშვნელოვანი ნაწილი ხდება - ილჰამ ალიევი
ბაქო-თბილისი-ყარსის რკინიგზა სტრატეგიული დანიშნულების ისტორიული პროექტია,- განაცხადა აზერბაიჯანის პრეზიდენტმა ილჰამ ალიევმა რკინიგზის გახსნის ოფიციალურ ცერემონიაზე.
„დღევანდელ საზეიმო ღონისძიებაზე ჩამოვიდნენ სტუმრები მოძმე, მეგობრული ქვეყნებიდან. დღეს მე განსაკუთრებით მივესალმები თურქეთის პრეზიდენტს რეჯეფ ტაიპ ერდოღანს, საქართველოს, უზბეკეთის, ყაზახეთის პრემიერებს, ტაჯიკეთის, თურქმენეთის მინისტრებს და მათ მადლობას ვუცხადებ ამ ცერემონიაში მონაწილეობისთვის.
ძვირფასო სტუმრებო, თქვენი მონაწილეობა ამ ღონისძიებაში კიდევ ერთხელ აჩვენებს ბაქო-თბილისი-ყარსის რკინიგზის მნიშვნელობას. ბაქო-თბილისი-ყარსის რკინიგზა სტრატეგიული დანიშნულების ისტორიული პროექტია. ამ გზის სიგრძე 850 კილომეტრს წარმოადგენს, აქედან 504 კილომეტრი აზერბაიჯანის ტერიტორიაზე გადის“, - განაცხადა ალიევმა.
აზერბაიჯანის პრეზიდენტმა ასევე აღნიშნა, რომ ბაქო-თბილისი-ყარსის რკინიგზა ევროპის აზიასთან დამაკავშირებელი ყველაზე მოკლე და საიმედო გზაა.
„ამ გზის საშუალებით პირველ ეტაპზე იგეგმება ხუთი მილიონი ტონა ტვირთის გადატანა, მომდევნო ეტაპზე - 17 მილიონი ტონა, მოგვიანებით - კიდევ უფრო მეტი მოცულობის. ბაქო-თბილისი-ყარსის რკინიგზა ევრაზიის სატრანსპორტო რუკის მნიშვნელოვანი ნაწილი ხდება“, - განაცხადა ილჰამ ალიევმა.