პოლიტიკა

ბარიერი უნდა შემცირდეს, რათა მეტ ამომრჩეველს ჰყავდეს თავისი წარმომადგენელი პარლამენტში - ვახუშტი მენაბდე

კონსტიტუციონალისტი ვახუშტი მენაბდის განცხადებით, საარჩევნო ბარიერის დაწევა ხელს შეუწყობს საპარლამენტო პლურალიზმს.

„მიგვაჩნია, რომ ბარიერი უნდა შემცირდეს იმისათვის, რათა რაც შეიძლება მეტ პარტიას მიეცეს საკანონმდებლო ორგანოში მონაწილეობის შესაძლებლობა და ეს იმას ნიშნავს, რომ რაც შეიძლება მეტ ამომრჩეველს ჰყავდეს საკუთარი წარმომადგენელი უმაღლეს საკანონმდებლო დაწესებულებაში“, - თქვა მენაბდემ სახელმწიფო საკონსტიტუციო კომისიის გაერთიანებული სხდომის დაწყების წინ.

შეგახსენებთ, რომ დღევანდელ სხდომაზე მსჯელობენ პრეზიდენტის არჩევის წესზე, მაჟორიტარული სისტემის შესაძლო გაუქმებასა და პარლამენტის ადგილმდებარეობის შეცვლაზე.

ანა მებურიშვილი