უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
რეგიონები
ბათუმის მერი მწვავე კითხვებზე პასუხის გაცემას გაურბის - მირდატ ქამადაძე
ფრაქცია „ერთიანი ნაციონალური მოძრაობის“ ბათუმის საკრებულოს დეპუტატის, მირდატ ქამადაძის განცხადებით, ისინი შეუთანხმდნენ ბათუმის მერ ლაშა კომახიძეს დღევანდელ შეხვედრაზე, თუმცა ქალაქის მერი მასზე არ გამოცხადებულა.
ოპოზიციონერი დეპუტატებს კითხვები აქვთ თვითმმართველობაში მიმდინარე რეორგანიზაციაზე, ქალაქში არსებულ მშენებლობებზე, საბავშვო ბაღის პედაგოგებისთვის ხელფასების ზრდის საკითხზე, ასევე პეტროზავოდსკში დაგეგმილ ღონისძიებასა და უფასო სასადილოებში არსებულ პრობლემებზე.
ქამადაძის შეფასებით, მერი კითხვებზე პასუხის გაცემას გაურბის.
„7 მარტს ვთხივეთ, დღეს 11:00 საათზე შეგვხვედროდა.ზუსტად ვიცით, რომ ამ დროს არავითარი შეხვედრა არ აქვს. ხელისუფლება მწვავე კითხვებზე პასუხის გაცემას გაურბის. ჩვენ გვაინტერესებს, თუ არ არის კორუფციის ნიშნები, რატომ არ აქვს ნინოშვილის ქუჩაზე სასტუმრო „ჰილტონის“ მიმდებარე ტერიტორიაზე მშენებლობის ნებართვა? ან თუ სამშენებლო ნებართვა არსებობს, რატომ არ ასაჯაროებენ? არც ნებართვა საჯაროვდება და არც მშენებლობა ჩერდება, რაც იმას ნიშნავს, რომ კორუფციასთან გვაქვს საქმე. მოვიდეს ბათუმის მერი და დამაჯერებელი პასუხი გაგვცეს.
ქვეყანაში მძიმე მდგომარეობაა, გარდაცვლილს არ გვაძლევენ, ბათუმის მერიის თანამშრომლები კი რუსეთში ვიზიტს გეგმავდენ. ჩვენ რომ არ გაგვეხმაურებინა ეს საკითხი, ისინი ვიზებს ელოდებოდნენ. ამის შესახებ ხელმძღვანელი პირები საქმის კურსშიც კი არ იყვნენ.
სანამ ამ ყველა კითხვას დამაჯერებელი პასუხი არ გაეცემა, ეს იმას ნიშნავს, რომ ადგილი გვაქვს ტოტალურ კორუფციასთან. ჩვენ კორუფცია წარსულს ჩავაბარეთ და ამ ქალაქში კორუფცია აღარ უნდა დაბრუნდეს“, -თქვა ქამადაძემ.
თავის მხრივ ბათუმის მერმა განაცხადა, რომ შეხვედრაზე მისვლა დროის სიმცირის გამო ვერ შეძლო, რადგან სხვა ღონისძიებებია დაგეგმილი.
„ნაციონალური მოძრაობიდან” წერილი მოვიდა შეხვედრის თხოვნით, თუმცა წერილი მოვიდა დაგვიანებით, უკვე დაგეგმილი იყო სხვა ღონისძიებები. მე მათ მივმართე წერილით, რომ აუცილებლად შევხდები მაგათ, მაგრამ ვთავაზობ, გადვიტანოთ შეხვედრა ამ თვის ბოლოს. ასევე, თუ რამე შეკითხვა აქვთ, შემიძლია, წერილობითი პასუხი გავცე“, - უთხრა კომახიძემ ჟურნალისტებს.