სამართალი

ბათუმის მოვლენებთან დაკავშირებით მერაბ ღოღობერიძე დაკითხვაზე დაიბარეს

11-12 მარტს ბათუმშიგანვითარებულ მოვლენებთან დაკავშირებით, არასამთავრობო ორგანიზაცია "კორუფციასთან ბრძოლის საინფორმაციო ცენტრის" ხელმძღვანელი, მერაბ ღოღობერიძე აჭარის პოლიციის მთავარ სამმართველოში დაკითხვაზე დაიბარეს.

აღნიშნულის შესახებ მან სოციალურ ქსელში პირად გვერდზე გაავრცელა.

მერაბ ღოღობერიძე საგამოძიებო ორგანოში უკვე იმყოფება და გამოძიების შეკითხვებს მოწმის სტატუსით პასუხობს.

მერაბ ღოღობერიძეს სოციალურ ქსელებში გავრცელებული მისივე სტატუსების გამო ბათუმში, 11-12 მარტს გამართული აქციის ერთ-ერთ ორგანიზატორად ასახელებდნენ. თუმცა, ღოღობერიძე აღნიშნულ ინფორმაციას უარყოფს.

ნინო ექვთიმიშვილი