უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
რეგიონები
ბათუმის პორტის 6 თანამშრომელი შიმშილობას აგრძელებს
ბათუმის პორტის თანამშრომლებმა გაფიცვა შეწყვიტეს, თუმცა 6 დასაქმებული შიმშილობას კვლავ აგრძელებს.
გაფიცვის შეწყვეტა თანამშრომლებმა ნავთობტერმინალის წარმომადგენლებთან შეხვედრის შემდეგ გადაწყვიტეს. თანამშრომლები, რომლებიც შიმშილობას აგრძელებენ, დირექტორის გადადგომას ითხოვენ.
ყაზახური კომპანია „ყაზტრანსოილის“ მმართველობაში არსებული პორტის თანამშრომლები ვარაუდობდნენ, რომ უახლოეს მომავალში სამსახურის გარეშე დარჩებოდნენ და სამი დღის წინ, საპროტესტო აქციების ამიტომ დაიწყეს.მიუხედავად იმისა, რომ ნავსადგურის გენერალურმა დირექტორმა დანიარ მუხამედ რახიმმა პორტში დაგეგმილი რეორგანიზაციის შეჩერებასთან დაკავშირებით განცხადება გააკეთა, თანამშრომლები მის გადადგომას მაინც ითხოვენ.
როგორც საზოგადოებრივი მაუწყებლის აჭარის ტელევიზია წერს,ბათუმის პორტის ადმინისტრაციამ გუშინ, გვიან ღამით, სამართალდამცველებს გამოძიების თხოვნით მიმართა. პორტის ადმინისტრაციის ინფორმაციით, თანამშრომელთა ნაწილმა, მცირე ზომის ხომალდებით, ზღვით შესასვლელი ხელოვნურად ჩახერგა, რის გამოც ნავსადგურში გემი ვერ შვიდა.
ფაქტზე შინაგან საქმეთა სამინისტრომ გამოძიება 222-ე მუხლის 1 ნაწილით დაიწყო, რაც სატრანსპორტო კომუნიკაციების ბლოკირებას გულისხმობს და ისჯება თავისუფლების აღკვეთით ვადით სამ წლამდე.
ცირა გურგენიძე