რეგიონები

ბათუმში, 4 წლის ბავშვის მკვლელობაში ეჭვმიტანილმა ცხედარი პოლიციაში თავად მიიტანა

ქალმა, რომელიც ბათუმში, 4 წლის ბავშვის მკვლელობაშია ეჭვმიტანილი, ცხედარი პოლიციის განყოფილებასთან თავად მიიტანა და სამართალდამცველებს ჩაბარდა.

მკვლელობაში ეჭვმიტანილი და 4 წლის გოგონას დედა უცხოეთის მოქალაქეები არიან, ისინი საქართველოში თვეების განმავლობაში ცხოვრობდნენ. შვილის მკვლელობის დროს კი, დედამისი თურქეთში იმყოფებოდა.

ამასთან, სახლის მეპატრონე, რომელსაც უზბეკეთის მოქალაქეებზე საცხოვრებელი ჰქონდა მიქირავებული, ამბობს, რომ მომხდარის შესახებ სამართალდამცავებისგან შეიტყო.

ადგილობრივი მცხოვრებლები ამბობენ, რომ სავარაუდო დამნაშავე უზბეკი ქალია. მან სამართალდამცავებს მომხდარის შესახებ თავად უამბო.

როგიორც თვითმხილველები ყვებიან, შემთხვევის ადგილის დათვალიერებისას სამართალდამცავებმა ნაგვის ურნაში მოკლული ბავშვის ტანსაცმელი და დანაც იპოვეს.

შინაგან საქმეთა სამინისტროს ცნობით, მცირეწლოვანის დამამძიმებელ გარემოებაში ჩადენილი განზრახ მკვლელობის მუხლით (109-ე მუხლი) დაკავებულია ერთი მოქალაქე, რომელსაც 13-დან 17 წლამდე თავისუფლების აღკვეთას ემუქრება.