უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
რეგიონები
ბათუმში დანგრეული სინაგოგის გადარჩენის კამპანიას სათავეში ისრაელის სახლი ჩაუდგება
„ისრაელის სახლი“ ბათუმში თითქმის დანგრეული, საუკუნოვანი სინაგოგის გადარჩენის კამპანიას უხელმძღვანელებს და ძეგლის გადარჩენის ფონდს შექმნის.
საქართველოში ისრაელის ქნესეთის მხარდაჭერით მოქმედ ორგანიზაციას სინაგოგის რეაბილიტაციის საქმეში მხარდაჭერისთვის მიმართა ქართველი ახალგაზრდების მიერ შექმნილმა საინიციატივო ჯგუფმა, რომლის აქტიური მუშაობის შედეგად შენობას ამჟამად კულტურული მემკვიდრეობის ძეგლის სტატუსი აქვს მინიჭებული.
სინაგოგა ძველ ბათუმში, 9 მარტის ქუჩაზე, ტურისტულ ზონაში მდებარეობს, ამიტომ სხვადასხვა დროს იყო შენობის ტერიტორიის კომერციული მიზნით ათვისების მცდელობა, რასაც საინიციატივო ჯგუფი წინ აღუდგა.
„ისრაელის სახლის“ ხელმძღვანელის იციკ მოშეს შეფასებით, მნიშვნელოვანია, რომ ქართველი ახალგაზრდები ებრაულ ძეგლს განიხილავენ საქართველოს კულტურული მემკვიდრეობის ჭრილში და ზრუნავენ მის გადარჩენაზე. ასეთი აქტივობა ემსახურება საზოგადოების ხვალინდელ დღეს და მომავალ ურთიერთობებშიც სწორი სვლის საწინდარია. რაც შეეხება საკითხისადმი „ისრაელის სახლის“ დამოკიდებულებას, ვინაიდან ორგანიზაცია მუშაობს ისრაელის წარმოდგენასა და ორმხრივ პირდაპირ კავშირებზე, განადგურებული ძეგლის აღდგენის აქციაც ისრაელ-საქართველოს ურთიერთობის ნაწილად უნდა იქცეს და არ უნდა იყოსა საქართველოში მცხოვრები ებრაული თემის ან რეპატრირებულ ებრაელთა ნოსტალგიის გამოძახილი. სხვა შემთხვევაში „ისრაელის სახლი“ გაემიჯნებოდა წამოწყებულ კამპანიას, ვინაიდან ეს უკანასკნელი, საბოლოო ჯამში, არსებული სამწუხარო ტრადიციის გავლენით, ებრაულ-ქართულ ურთიერთობებს ვიწრო, კუთხურ, საქართველო-ქართველი ებრაელობის ურთერთობებამდე დაიყვანდა.
„ისრაელის სახლის“ ხელმძღვანელი მიიჩნევს, მომავლის სწორი ურთიერთობების ვექტორის განსაზღვრისთვის, არანაკლებ მნიშვნელოვანია, გამოჩნდეს სხვადასხვა უწყებისა თუ ჯგუფის პოზიცია, კერძოდ კი ძეგლის რეაბილიტაციისთვის უნდა გამოიკვეთოს საქართველოს განათლების, მეცნიერების, კულტურისა და სპორტის სამინისტროს ინტერესი, ევროსაბჭოსთან არსებული ებრაული კულტურული მემკვიდრეობის დაცვისა და ხელშეწყობის ევროპული ასოციაციის მხარდაჭერა, საქართველოში მომუშავე ისრაელური ორგანიზაციებისა და კომპანიების, აგრეთვე, ისრაელში მომუშავე ქართული კომპანიების, საქართველოსა და ისრაელის მოქალაქეების მონაწილეობა.
დანგრეული სინაგოგის რეაბილიტაციასთან დაკავშირებით ამოქმედდება საბანკო ანგარიში, „ისრაელის სახლი“ დაიქირავებს აუდიტორულ კომპანიას, რომელიც გააკონტროლებს ძეგლის გადარჩენისთვის შემოსულ თანხებს. ორგანიზაცია სპეციალისტების დახმარებით მოამზადებს არქიტექტურულ პროექტს, ბიუჯეტს. ისრაელის სახლი“, აგრეთვე, იზრუნებს, რომ ძეგლის აღდგენა აღქმული იქნას როგორც საქართველოს და მსოფლიო ებრაელობის კულტურული მემკვიდრეობის რეაბილიტაცია, ადგილობრივ ებრაულ თემს ან რეპატრირებულ ებრაელობას, როგორც ისრაელელებს, შეუძლიათ წვლილი შეიტანონ ამ საქმეში.