უკან
რეგიონები
1 თებერვალი, 2017 12:45
ბათუმში დედა-შვილი სავარაუდოდ გაყინვისგან გარდაიცვალა
ბათუმში, ინასარიძის ქუჩაზე გარდაცვლილი დედა-შვილი ექსპერტიზაზე გვიან ღამით გადაასვენეს.
მეზობლები და ნათესავები გარდაცვალების სხვადასხვა მიზეზს ასახელებენ.
ერთ-ერთი ვერსია გაყინვაა, თუმცა მათივე ინფორმაციით, 50 წლის მამაკაცს ფსიქიკური პრობლემები ჰქონდა, 75 წლის ქალბატონი კი, ასევე მძიმედ ავადმყოფობდა.
"რომ ჩართეს ეხლა შუქი პლიტა ჩაირთო, ჩვენ მოვუტანეთ პლიტა მე და ჩემმა მეუღლემ, გაყინულები არ არიან. ჩემი ვერსია არის, რომ დიდი ხნის ავადმყოფი იყო ეს ბიჭი და რომ გარდაიცვალა დედამისი წამოდგა და კარებთან წაიქცა,"-აცხადებს გარდაცვლილების ერთ-ერთი ნათესავი ნუნუ ჩხაიძე.
ინფორმაცია დედა-შვილის გარდაცვალების შესახებ გუშინ საღამოს გავრცელდა. მომხდარზე გამოძიება თვითმკვლელობამდე მიყვანის მუხლით დაიწყო.
ნინო ექვთიმიშვილი