რეგიონები

ბათუმში ღამის კლუბში გაჩენილ ხანძარს ქალი ემსხვერპლა

ბათუმში ღამის კლუბ არენაში გაჩენილ ხანძარს მსხვერპლი მოჰყვა.

ხანძრის შედეგად ერთი ქალბატონი გარდაიცვალა, ოთხი ადამიანი კი დაშავდა. ისინი კლინიკებში არიან გადაყვანილი.

ორი დაშავებულის მდგომარეობა განსაკუთრებით მძიმეა. მათ მეორე და მესამე ხარისხის დამწვრობები აღენიშნებათ და რეანიმაციულ განყოფილებაში არიან მოთავსებულები.

წინასწარი ვერსიით, ხანძარი ელექტროსადენების მიზეზით კონდინციონერიდან გაჩნდა. შემთხვევა დაახლოებით ღამის პირველ საათზე მოხდა, რა დროსაც იქ თვითმხილველების თქმით 30-მდე ადამიანი იმყოფებოდა.

მომხდარზე გამოძიება დაწყებულია ცეცხლის წაკიდებით ან აფეთქებით ნივთის დაზიანება-განადგურების მუხლით, რამაც გაუფრთხილებლობით ადამიანის სიცოცხლის მოსპობა გამოიწვია.

ნინო ექვთიმიშვილი