რეგიონები

ბათუმში გრიპისგან 53 წლის ქალი გარდაიცვალა

ბათუმში გრიპის ვირუსით 53 წლის ქალი გარდაიცვალა. იგი ქალაქის რესპუბლიკურ საავადმყოფოში სუნთქვის მწვავე უკმარისობით 17 დეკემბერს მიიყვანეს, დღეს დილით კი რეანიმაციულ განყოფილებაში გარდაიცვალა.

„წინასწარი მონაცემებით, ამ ეტაპზე პაციენტს „ა“ ტიპის გრიპი დაუდასტურდა. დამატებითი კვლევისთვის ანალიზები თბილისში, ლაბორატორიაშია გადაგზავნილი. ქალბატონი 17 დეკემბერს მოიყვანეს სუნთქვის მწვავე უკმარისობით. მისი მდგომარეობა უკვე დამძიმებული იყო“,- განაცხადა ბათუმის რესპუბლიკური საავადმყოფოს ექიმმა მალხაზ ხალვაშმა.

საზოგადოებრივი ჯანდაცვის ცენტრის მონაცემებით, აჭარაში H1N1 ვირუსის სამი ლაბორატორიულად დადასტურებული შემთხვევა დაფიქსირდა. სეზონური ვირუსების გამო გამოძახებები გაზრდილია სასწრაფო სამედიცინო დახმარების ცენტრშიც.