უკან
რეგიონები
23 აპრილი, 2018 14:10
ბათუმში სანაპიროზე გარდაცვლილი მამაკაცი იპოვეს
ბათუმში, ზღვის სანაპიროზე ერთი გარდაცვლილი, მეორე კი უგონო მდგომარეობაში მყოფი მამაკაცი იპოვეს. ინფორმაციას ამის შესახებ საზოგადოებრივი მაუწყებლის აჭარის ტელევიზია ავრცელებს.
სასწრაფო სამედიცინო დახმარების ბრიგადამ, უგონო მდგომარეობაში მყოფი კაცი ‘’მედცენტრში’’ გადაიყვანა. ექიმების განცხადებით, ის კონტაქტური არ იყო.
გარდაცვლილი გუშინ, დღის მეორე ნახევარში, რკინიგზის სადგურის მიმდებარე ტერიტორიაზე იპოვეს. ორივე მამაკაცი საქართველოს მოქალაქეა.
საქმეზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
ცირა გურგენიძე