საზოგადოება

„ბავშთა სამყაროს“ დაზარალებულთა სიაში არიან ისეთები ვისაც ზიანი და ზარალი არ მიადგა - რიმა ბერაძე

თბილისის საკრებულოს ფრაქცია “ქართული ოცნების“ თავმჯდომარის ირმა ბერაძის განცხადებით, “ბავშთა სამყაროს“ ხანძრის შედეგად დაზარალებულებთან უკვე მეხუთე შეხვედრა გამართა.

მისი თქმით, დაზარალებულების მოთხოვნა იყო, რომ საკრებულო ყოფილიყო შუამავალი მათსა და „ბავშთა სამყაროს“ დირექციას შორის,რომ გაწეულიყო მათთვის ერთჯერადი ფინანსური დახმარება.

მაგრამ, ბერაძის თქმით, მთავარი პრობლემა მდგომარეობს სიაში, თუ რამდენია რეალურად დაზარალებული.

„პირველივე განცხადებაში ფიქსირდებოდა, რომ 1500 ადამიანი იყო დაზარალებული, მაგრამ აქედან 350 ადამიანს, ვინც ვაჭრობდა ოქროს ნივთებით, გადაურჩათ საქონელი, მათ მხოლოდ სამუშაო ადგილები დაუზიანდათ, რაზედაც მათ მიიღეს შეთავაზება და დღეს აგრძელებენ მუშაობას. შემდეგ ჩვენ მოგვმართა ქვემოიჯარეებმა, დაახლოებით 300-მდე ადამიანმა. უკვე მეხუთე შეხვედრაზე ამ სიების დაზუსტება ვერ მოხერხდა. ამ სიაში ისეთი მოქალაქეებიც იყვნენ ჩაწერილები, რომლებსაც, მათივე განცხადებით, არავითარი ზიანი და ზარალი არ მიადგათ“,-განაცხადა დეპუტატმა.

მისი თქმით, ამ ადამიანებს, კარგად აქვთ გათავისებული, რომ ეს არის სამართლებრივი დავა ორ პირს შორის: „ბავშთა სამყაროს“ დირექციასა და დაზარალებულ მოვაჭრეებს შორის.

მონიკა დავლიანიძე