საზოგადოება

ბავშვი რატომ მოკალიო, რას გიშლიდაო, ტიროდა და რას ვუზამდიო, ეგ უთქვამს - ადგილობრივი ხადას ხეობაში მომხდარ მკვლელობაზე

ხადას ხეობაში მომხდარი მკვლელობის შესახებ ადგილობრივმა მცხოვრებმა თამარ ზაქაიძემ მოჰყვა. მისი თქმით, ამ ინციდენტზე მას შემდეგ გაიგო, რაც საკონსულოს წარმომადგენლებმა სამართალდამცველებს სმიტების ოჯახის გაუჩინარების შესახებ შეატყობინეს.

მისი თქმით, ამერიკელი ცოლ-ქმრისა და მათი 4 წლის ბავშვის გადაადგილების მარშრუტი პოლიციელებს მიუთითა იმ მწყემსმა, რომელიც სმიტების მკვლელობაშია ბრალდებული.

„უთქვამს, რომ მე მიგაცილებთო, უთხრა, რომ მწყემსი ვარ, ისინი მე ვნახე. ვითომ, ამ ქალს შეეშველა და ეს ქალი გადმოხტა. კაცს სახეში გაურტყია, აქ[ნიკაპზე] ჰქონდა რაღაცები დაკაწრული ამ ბიჭს. თვალები აღარ ჰქონდაო, იყო ძალიან გაცოდვილებული. წავიდა გამწარებული, ავიღე თოფი და კაცს ვესროლეო. ბავშვი რატომ მოკალიო, რას გიშლიდაო, ტიროდა და რას ვუზამდიო, ეგ უთქვამს“, -უამბო „კურიერს“ ზაქაიძემ.

შსს-ის ინფორმაციით, ხადას ხეობაში მომხდარი საზარელი მკვლელობის ფაქტზე 1998 წელს დაბადებული მ.კ დააკავეს, რომელიც ბრალს აღიარებს. მას უვადო პატიმრობა ემუქრება.

საქმე განზრახ მკვლელობის მუხლით გადაკვალიფიცირდა.