საზოგადოება

ბავშვთა სამყროს მიმდებარე ტერიტორიაზე გარემოვაჭრეების აქცია მიმდინარეობს

ბავშვთა სამყაროს მიმდებარე ტერიტორიაზე გარემოვაჭრეების აქცია მიმდინარეობს.

როგორც აქციის მონაწილეები ამბობენ, სამი დღის განმავლობაში მათთან მერიის თანამშრომლები საპატრულო პოლიციის წარმომადგენლებთან ერთად დადიან და დახლების აღებისკენ მოუწოდებენ.

გარემოვაჭრეების განცხადებით, მერიის წარმომადგენლებმა სავაჭრო დახლების აღების ბოლო ვადად 25 მარტი განუსაზღვრეს.

მათივე თქმით, მერიას ალტერნატიული ვარიანტი არ შეუთავაზებია.

გარემოვაჭრეები ბავშვთა სამყაროს ტერიტორიაზე ღამის გათენებასაც აპირებენ.

აქციაზე იმყოფება უფლებადამცველი ლაშა ჩხარტიშვილი, რომელიც ამბობს, რომ გარემოვაჭრეები თანახმა არიან, დახლების მოდერნიზება მოხდეს.

,,ჩვენ ვცდილობთ გარემოვაჭრეებთან ერთად მივაღწიოთ ელემენტარულს, რომ გარევაჭრობა იყოს მოწესრიგებული და კანონიერი. მიუხედავად ამისა, საბოლოო ჯამში, ხელისუფლების წარმომადგენლების მაგივრად მე მომიწია დაწერა შესაბამისი კანონპროექტის 2011 წელს, რომელიც სხვათა შორის, 2012 წელს ახალმა ხელისუფლებამ დარგობრივი ეკონომიკის კომიტეტში მიიღო. მათ როგორც ჩანს, საბოლოო ჯამში სძლია კორუფციულმა ინტერესებმა, იმიტომ, რომ სხვა ახსნა უბრალოდ არ არსებობს იმისა, თუ რატომ წავიდა ,,ქართული ოცნება’’ არა ცივილიზებული სამყაროს გზით, არამედ მიხეილ სააკაშვილის გზით,’’, - განაცხადა ლაშა ჩხარტიშვილმა.

ნინო ექვთიმიშვილი